Abramoviç Çukotka qubernatorluğundan istefa verib

Milyarder Roman Abramoviç Çukotka qubernatorluğundan istefa verib. Kremlin bildirdiyinə görə, prezident Putin hələlik onun istefasını qəbul etməyib. Cənab Abramoviç 2000-ci ildə Çukotkanın qubernatoru seçilib, 2005-ci ildə Putin onu ikinci müddətə bu vəzifəyə təyin edib. R.Abramoviç Rusiyanın ən varlı adamlarındandır. «Forbs» jurnalına görə, onun azı 18 milyard dollarlıq sərvəti var.