Prezident İlham Əliyev Azərbaycan Rəssamlar İttifaqının üzvləri üçün yeni emalatxanaların tikintisi haqqında sərəncam imzalayıb. Sənədə əsasən, Bakı, Gəncə və Naxçıvan şəhərlərində müasir emalatxana kompleksləri yaradılmalıdır. Ölkə başçısının digər sərəncamı isə Bakıda Müasir İncəsənət Muzeyinin yaradılması haqqındadır. Sənədə görə, Mədəniyyət və Turizm Nazirliyi, Bakı Şəhər İcra Hakimiyyəti Azərbaycan Rəssamlar İttifaqı ilə birlikdə Bakı şəhərində Müasir İncəsənət Muzeyinin yeri və layihələşdirilməsi barədə təkliflərini üç ay müddətində prezidentə təqdim etməlidir.