Dekabrın 18-dən 19-na keçən gecə Quba rayonunun mərkəzindən 30 kilometr aralıda yerləşən Rustov kəndində ötən əsrin 20-ci illərində inşa olunmuş dörd yaşayış evində yanğın baş verib. Fövqəladə Hallar Nazirliyinin verdiyi məlumata görə, iki ev tamam, iki evsə qismən yanıb. Bir nəfər kənd sakini - Minafə Əhmədova həlak olub.
Yanğının səbəbi və dəyən ziyan müəyyənləşdirilir.