«Azadlıq» radiosunun əməkdaşı xəbər verir ki, «Triumfalnaya» meydanındakı mitinqdən sonra solçu radikallarla milis arasında toqquşmalar baş verib.
«Razı olmayanların yürüşü»ndə üç mindən çox insan – demokratik və solçu-radikal partiyalar və hərəkatların fəalları iştirak edib. Onlar vətəndaş hüquq və azadlıqlarının pozulmasına, bu səbəbdən də ölkədə sosial-iqtisadi vəziyyətin pisləşməsinə etiraz edirdilər.
Aksiyanın təşkilatçısı -- «Druqaya Rossiya» Birliyinin verdiyi məlumata əsasən, aksiya başlamazdan qabaq Moskvada onlarla müxalifətçi saxlanılıb.
Dekabrın 16-da «Teatralnaya» meydanında «Trudovaya Rossiya» partiyasının da azsaylı mitinqi keçirilib.