Keçid linkləri

2024, 29 Mart, Cümə, Bakı vaxtı 11:43

Metroda jeton qıtlığını metropoliten özü yaradır


2007-ci il yanvarın 1-dən metroda gediş haqqı yalnız plastik kartlarla ödəniləcək
2007-ci il yanvarın 1-dən metroda gediş haqqı yalnız plastik kartlarla ödəniləcək
Bakı Metropoliteninin stansiyalarında son günlər özünü göstərən jeton qıtlığını metropoliten özü yaradıb. Bunu «Azadlıq» radiosuna Bakı Metropoliteninin rəisi Tağı Əhmədov deyib. Onun sözlərinə görə, 2007-ci il yanvarın 1-dən metro plastik kart sisteminə keçir və buna görə də yeni jetonlar almır. İstifadədə olan jetonları yenidən dövriyyəyə çıxarmaq isə bir qədər vaxt tələb etdiyindən bəzən satışda fasilələr yaranır: «Əgər yanvarın 1-dən jetondan istifadə olunmayacaqsa, mən nəyə görə müəssisənin pulunu artıq yerə xərcləməliyəm. Qoy, camaat indidən kart almağa başlasın».

Cənab Əhmədov deyir ki, mart ayı ilə müqayisədə artıq kart alan sərnişinlərin sayı artıb: «211 min nəfərdən çox sərnişin kart sistemindən istifadə edir ki, bu da ümumi sərnişinlərin yarısına bərabərdir». Növbəti ildən metroda gediş haqqının bahalaşmasına gəlincə isə, Tağı Əhmədov deyir ki, 2009-cu ilədək qiymətdə heç bir dəyişiklik olmayacaq.


Bakı Metropoliteni gediş haqqının plastik kartlarla ödənilməsi sisteminə 2006-cı ilin martından keçib. 2007-ci il yanvarın 1-dən isə gediş haqqı yalnız plastik kartlarla ödəniləcək.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG