Liviyanın keçmiş xarici işlər naziri Mussa Kussaya qarşı sanksiyalar ləğv edilib

Avropa Birliyi bundan əvvəl Liviyanın keçmiş xarici işlər naziri Mussa Kussaya qarşı tətbiq edilmiş sanksiyaları aradan qaldırıb.

Mussa Kussa martın sonunda Liviya lideri Muammar Gaddafi rejiminə etiraz olaraq istefa verərək Londona gəlib.

Böyük Britaniya Maliyyə Nazirliyinin yaydığı bəyanatda Mussanın adının sanksiyalar tətbiq edilmiş və bank hesabları dondurulmuş yüksək rütbəli Liviya məmurlarının siyahısından çıxarıldığı bildirilir.