Keçid linkləri

2017, 27 Aprel, Cümə axşamı, Bakı vaxtı 21:05
Amerika Birləşmiş Ştatlarının (ABŞ) Azərbaycandakı səfirliyi martın 30-dan başlayaraq müxalifətçilərin həbsinə münasibətini açıqlayıb. Səfirlik 2 aprel tarixində mitinq keçirməyi planlaşdıran qrupla əlaqədar olan şəxslərin saxlanılması ilə bağlı öz narahatlığını bildirir. Səfirliyin mətbuat katibi Keith Bean AzadlıqRadiosunun suallarına cavab olaraq deyib ki, həmin şəxslərin bu həftə saxlanılması və həbs olunması təsadüfi görünmür. Əksinə, onların planlaşdırılmış mitinqdə iştirakının qarşısını almaq və ya digərlərinin iştirakdan çəkindirmək üçün saxlanıldığı görünür.

«Qanuni söz azadlığı, o cümlədən, ictimai etirazlar demokratik cəmiyyətin təməlidir. Azərbaycan demokratik təsisatların gücləndirilməsinə doğru addım atdığı bir vaxtda, biz hökuməti Azərbaycan Konstitusiyasında təsbit olunmuş söz və sərbəst toplaşma azadlığı hüquqlarını reallaşdırmağa çağırırıq».

Səfirlik hesab edir ki, çoxsaylı fikirlər və fərqli baxışlar azərbaycanlıların öz uşaqları üçün qurmaq istədiyi müasir, sabit və suveren dövlətə töhfə verə bilər.

«Biz Azərbaycan hökumətini davamlı sabitliyin təməli olan bu əsas azadlıqlara hörmətlə yanaşmağa çağırırıq» deyə açıqlamada bildirilir.

Sənin fikrin

Şərhləri göstər

Günün bütün mövzuları

XS
SM
MD
LG