Ayasofya
Kilsə divarında Quran ayəsi
keşiş yuxusunu yuxuda yozur,
Şamları söndürüb oturur diz üstə
Durub Azan səsinə yozumun pozur.
Bir qurtum su içir, əlləri əsir,
Şüşəli lampada yandırır şamı,
Çardağından çıxıb kilsəyə gedir,
Şəkk - şüpə doğurur haqqa inamı
Çovğun, yağış, leysan, yuyur şəhəri
ildırım səsi də başqacür sanki
yol boyu qocanın gözündən getmir
divarda yazılar gördüyü an ki...
Tanrıdan xəbər var, yozmuşdum axı
ax, qoca yaddaşım unutdum artıq
Allahım, nə olar yenə de bilim
Nə demək idi bu, yoxsa ki yadıq?
Görən harda, nə vaxt, neyləmişəm mən?
Bilmədən etdiyim günahımmı var?
Axı hər gün səndən yol istəyirəm
Sənə doğru olan yolu aşikar.
Göstər, əlimdən tut ya çarmıxa çək
Xeyli düşünərək qapıya çatdı
Şəhərdən kənarda hündür kilsənin
Ətrafında yağış, küləkdə yatdı.
Kilsənin içi də dizəcən sudur.
Damcının səsləri əks-səda verir.
Şamlar, geyimlər, şəkillər suda
yuxuda gördüyü divara gedir.
Çırağı qaldırib donur, titrəyir
divar şəkilləri yuyulub tamam
diz üstə oturub, hönkürür qoca
əlindən çıxıb axır uzaqlara şam.
O gündən o kilsə həmdə məsciddir.
Kimi namaz qılır kim oxuyur dua
Divarda yazılıb xırda həriflə
Allah, tək böyükdür, qalanı xülya!
Yayıldı dünyaya qocanın sirri
Hamı danışırdı imandan, dindən
Hər dəfə yenidən yağış yağanda
dünya təmizdənir günahdan, kindən.
Sonra nə eşidən nə görən oldu,
Hamı sevinirdi onun yerinə
bilirdilər Molla yol üstündədir
Allaha yol tapıb, sonun yerinə...
Gözlərini yum…
Həsrət xurcunu var əyinimdə,
ürəyinin hər döyüntüsündə
qırılıb düşmüş daş parçalarını yığıram.
Könlümün dəyirmanında üyüdüb
zirvədən səpirəm ki,
özünə dalıb oxuduğun musiqini
bir də dinləyim...
Jazz
bir,
bir, iki, üç, bir
bir,
bir, iki, üç, bir
tanış elə, bu nədir ?
hardasan, kimsən ?
yaz, açıq fikrini düşünək bir az
qırılsın uzansın, rəqəmlərlə bir
bir,
bir, iki, üç, bir
bir,
bir, iki, üç, bir
qatarın içində ləpə səsləri
sahildə qatarın təkər səsləri
qarın dənələri çırpılır yerə
aləmi götürüb yağış səsləri bir
bir, bir,
bir, iki, üç, bir.
bir, bir,
bir, iki, üç, bir.
üz tutub canavar gülür göy üzünə
tısbağa qaçmağı öyrənib artıq
ağaclar kötüksüz çıxır meşədə
hər nə varsa, gülür, bir- bir, bir, bir.
bir, bir,
bir, iki, üç, bir.
bir, bir,
bir, iki, üç, bir.
pilləkənlə çıxır sonsuza doğru
getdiyi yollarda durub çevrilir
göz vurub yoluna davam eləyir bir
bir, bir
bir, iki, üç, bir.
bir, bir,
bir, iki, üç, bir.
dünyada nə varsa,
sayır durmadan bir,
bir, bir, iki, üç, bir.
