Keçid linkləri

2017, 16 Dekabr, şənbə, Bakı vaxtı 05:31

Kür daşqınlarından əziyyət çəkənlər aksiya keçirəcək


Kür daşqınları zamanı mülk və təsərrüfatlarına dəymiş ziyan müqabilində kompensasiya ala bilməyən bir qrup sakin etiraz aksiyası keçirməklə bağlı qərar qəbul ediblər.

Əsasən, Sabirabad və Saatlının Kür Arazla qovuşan hissəsindəki 9 kəndin sakinləri dövlət büdcəsində ayrılmış vəsaitin vətəndaşlara çatmadığını bildirirlər.

Saatlının Dəllər kənd sakini Lazım Umudlu deyir ki, kənd camaatının küçələri çıxıb, etiraz səsini qaldırmaqdan başqa çarələri qalmayıb:

«Ayrılan vəsaitlər gəlib bizə çatmır. Nə qədər gözləməliyik. Elə deyirlər darıxmayın, bu gün kompensasiyalar veriləcək, sabah veriləcək. Biz qalmışıq beləcə bir çarə bilmirik nə edək».

Martın 28-də bir neçə nəfər kənd sakini Sabirabad İcra Hakimiyyətinə çağırılıblar. Onlara kompensasiyaların tez bir zamanda veriləcəyi vəd olunub.

Etiraz aksiyası keçirməkdə israrlı olan sakinlər deyirlər ki, tələbləri yerinə yetirilməsə aprelin 2-də Prezident Aparatına yürüş edəcəklər.

Təbii fəlakətin nəticələrinin aradan qaldırılmasına 300 milyona yaxın manatın ayrılıb.

Günün bütün mövzuları

XS
SM
MD
LG