Rusiyanın «Qazprom» şirkəti ilə Azərbaycan arasında Azərbaycana satılacaq qazın qiymətilə bağlı danışıqlar hələlik bir nəticə verməyib. Şirkət qazın hər min kub metrini Azərbaycana 230 dollara təklif edir. Azərbaycan prezidenti qışa hazırlıqla bağlı keçirdiyi sonuncu müşavirədə təklif olunan qiymətin xeyli yüksək olduğunu bildirmişdi. «Exo Moskva» radiosuna istinadən Rusiayanın «Reqnum» agentliyinin dekabrın 7-də yaydığı məlumata görə şirkət nümayəndəsi Sergey Kupriyanov Minsk kimi Bakı üçün də qazın hər min kub metrinin 200 dollara satılacağını deyib.