Keçid linkləri

2026, 01 Aprel, çərşənbə, Bakı vaxtı 01:24
Бомбаланган Мариуполь. Җирле халык машиналарына утырып Русия хәрбиләре утка тоткан шәһәрдән китә. 17 март 2022
Бомбаланган Мариуполь. Җирле халык машиналарына утырып Русия хәрбиләре утка тоткан шәһәрдән китә. 17 март 2022

-LIVE- Сугыш көндәлеге. 23нче көн

24 февраль иртәсендә Русия президенты Владимир Путин Украинага каршы сугыш башлады. Азатлык иң мөһим вакыйгаларны җанлы блогта теркәп бара.

🔸 24 февраль иртәсендә Русия президенты Владимир Путин Украинага каршы сугыш башлады.

🔸 Азатлык 85 көн буена бу сугыш тирәсендәге иң мөһим вакыйгаларны җанлы блогта теркәп барды.

🔸 Шушы вакыт эчендә анда 1200ләп пост дөнья күрде, аларны меңнәрчә кеше карады.

🔸 Көн саен яңа корбаннар, җимерү, югалтулар китерүче мәгънәсез сугыш дәвам итә, аның очы-кырые күренми.

🔸 Әлегә без җанлы блогны туктатып торабыз, сугыш тирәсендәге вакыйгаларны сайттагы хәбәрләрдә, язмаларда, социаль челтәрләрдә, телеграм каналында яктыртуны дәвам итәрбез.

Бездән аерылмагыз!

17:48 10.3.2022

Баш прокуратура таләбе белән "Одноклассники" социаль челтәре Азатлыкның "Азатлык радиосы - ничек бар, шулай" төркеменә керүне чикләгән. Бу хакта хәбәр итеп бүген, 10 мартта социаль челтәр редакциягә хат җибәрде. Баш прокуратураның таләбен социаль челтәргә Роскомнадзор җибәргән.

Таләптә әйтелгәнчә, төркемдә "иҗтимагый әһәмияткә ия күрәләтә ялган мәгълүмат урнаштырылган". Шул ук вакытта кайсы постта "ялган" мәгълүмат булуы әйтелмәгән.

Азатлыкның "Одноклассники" төркемендә соңгы пост 2019 елның 4гыйнварында чыккан, ул 2018 ел йомгаклары турында.

17:46 10.3.2022
Базга сыенган украин балалары җыр белән күңел күтәрә
Gözlə

No media source currently available

0:00 0:02:19 0:00

Үзенең "югары әхлагы" белән башка дөньядан өстенлеген ассызыклап килүче Русия Украина шәһәрләрен бомбалаганда, исән калу өчен базларга сыенган балалар җырлап үзләренең дә, башкаларның да күңелеп күтәрә.

Кемдер метрога сыенып Украина гимнын уйнаса, башкалар бомбалаулар туктап торганда шәһәр ишегалларында һәм мәйданнарында да уйный һәм җырлый.

17:33 10.3.2022

Татарстанда Украина сугышында һәлак булган дүртенче кеше җирләнгән

10 мартта Казанда подполковник Ренат Гайсинны соңгы юлга озаттылар, дип хәбәр итә "Татарстан" дәүләт телерадиоширкәте.

Мәрхүмнең хатыны һәм ике баласы калган.

17:12 10.3.2022

Киевтагы "Мусафир" кырымтатар рестораны шәһәрне Русия һөҗүменнән саклаучы украин хәрбиләренә ярдәм йөзеннән аларны кырымтатар ашлары белән тәэмин итү хезмәтен оештырган.

"Кыю кешеләр, бернидән курыкмыйлар, аларга ярдәм итү рәхәт" дип язылган ресторанның интернеттагы рәсми битендә. Анда шулай ук украин хәрбиләренә финанс ярдәм җыю хезмәте дә булдырылган.

Davamı

XS
SM
MD
LG