Keçid linkləri

2024, 28 Mart, Cümə axşamı, Bakı vaxtı 19:21

AzTV-dən 200 əməkdaş işdən çıxarıldı


AzTV-nin 2000-nə yaxın işçisi var, onlardan da 800 nəfərə yaxını pensiya yaşındadır
AzTV-nin 2000-nə yaxın işçisi var, onlardan da 800 nəfərə yaxını pensiya yaşındadır

Azərbaycan Televiziya və Radio Verilişləri (AzTV) Qapalı Səhmdar Cəmiyyətinin 200-dək əməkdaşı işdən çıxarılıb. AzTV-nin Kadrlar İdarəsinin rəisi Mənsur Bayramov «Azadlıq» radiosuna bildirib ki, işdən çıxarılanlar pensiya yaşına çatmış və ya uzun illərdir pensiya alan şəxslərdir. Cənab Bayramov deyir ki, hazırda radio və televiziya rəqəmsal texnikaya keçdiyindən gənc kadrlara ehtiyac hiss olunur: «Onları isə işə cəlb etmək üçün ştat yerləri olmadığından pensiya yaşına çatmış və uzun illərdir pensiya alan 200 nəfərə yaxın işçi ştatdan çıxarılıb. Amma, onlar bundan sonra qonorarla işləyə bilərlər».


Dekabrın 1-dən AzTV-də əmək haqqının verilməsində də dəyişikliklər edilib. Mənsur Bayramov deyir ki, həmin vaxtdan etibarın ştatda çalışan işçilərə də əmək haqqı iş saatına görə yox, görülən işin həcminə görə veriləcək. Artıq avqustun ortalardan televiziyaya və radioya gənc kadrların cəlb edilməsi prosesinə başlanılıb və bu proses davam edir.


AzTV-nin 2000-nə yaxın işçisi var, onlardan da 800 nəfərə yaxını pensiya yaşındadır.


AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG