Keçid linkləri

2024, 18 İyun, çərşənbə axşamı, Bakı vaxtı 23:35

Ukrayna NATO-nun ‘ləngliyindən’ narazıdır


Ukraynanın xarici işlər naziri Dmitro Kuleba
Ukraynanın xarici işlər naziri Dmitro Kuleba

Kiyev NATO-nu Ukraynanın üzvlüyü məsələsində “ləngliyinə” görə tənqid edib.

Ukrayna alyansın gələn ay keçiriləcək sammitinə dəvət olunmamasından çaşqınlıq keçirdiyini bildirib.

NATO sammiti iyunun 14-də Brüsseldə keçirilməlidir. Ukraynanın xarici işlər naziri Dmitro Kuleba mayın 26-da deyib:

“Biz müttəfiqlərin qapalı sammit keçirmək istədiklərini başa düşürük, amma bu sammitə Ukraynanın dəvət edilməməsinin necə mümkün olmasını anlamırıq”.

Ukrayna prezidenti Volodimir Zelenski bu ayın əvvəllərində NATO-nu Qara dəniz regionundakı mövcudiyyətini gücləndirməyə çağırmış və Vaşinqtondan qarşıdan gələn sammitdə Ukraynanın NATO üzvlüyü üçün hərəkət planına dəstək verməsini rica etmişdi.

Kiyevdə ATƏT-in baş katibi Helqa Smidlə birgə keçirdiyi mətbuat konfransında Kuleba “özünün açıq qapılar siyasətini daim təsdiqlədiyinə görə” NATO-ya minnətdar olduğunu bilirib, amma əlavə edib ki, “bu istiqamətdə bircə addım da atılmayıb”.

“Toz basmış qərar”

2008-ci ildə Buxarestdə keçirilən sammitində NATO bəyan etmişdi ki, Ukrayna gələcəkdə potensial baxımdan alyansa üzv ola bilər.

Ukraynanın xarici işlər naziri mətbuat konfransında daha sonra deyib:

"Bizi Ukraynada islahatların ləngliyinə görə qınayırlar. Bəs biz onda alyansda qəbul olunan qərarların icrası barədə nə deyək?”

Kuleba deyib ki, “NATO-nun Ukrayna barədə qərarını 13 ildə toz basıb”.

Bu yaxınlarda Dövlət Departamentinin sözçüsü Ned Prays ABŞ-ın “standartlara cavab verən ölkələr” üçün NATO-nun “açıq qapılar” siyasətini dəstəklədiyini təsdiqləmişdi.

Lakin o əlavə etmişdi ki, “Ukrayna hələ daha stabil, daha demokratik, firavan və azad ölkə üçün zəruri olan islahatları həyata keçirməlidir”.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG