Keçid linkləri

2024, 28 Mart, Cümə axşamı, Bakı vaxtı 18:43

Separatçı Abxaziyanın prezidenti Dəməşqdə Əsədlə görüşüb


 Aslan Bjaniya (solda) və Bəşər əl-Əsəd
Aslan Bjaniya (solda) və Bəşər əl-Əsəd

Gürcüstandan qopmuş separatçı Abxaziyanın prezidenti Aslan Bjaniyanın Suriya Ərəb Respublikasına üçgünlük səfəri başa çatıb.

Bjaniyanın mətbuat xidməti bildirir ki, o mayın 19-da Dəməşqdə Suriya prezidenti Bəşər əl-Əsədlə səhər yeməyində olub və bununla da separatçı rejimin dili ilə deyilsə”rəsmi səfərini” başa çatdırıb.

Gürcüstanda bəzi siyasətçilər hökuməti bu səfəri rəsmən pisləmədiyinə görə kəskin tənqid edirlər.

2008-ci ildə Rusiya ilə Gürcüstan arasında baş vermiş qısa müharibənin ardınca Moskva Abxaziyanın və Gürcüstanın daha bir separatçı regionu olan Cənubi Osetiyanın müstəqilliyini tanıyıb.

Suriya Abxaziyanın müstəqilliyini tanıyan ölkələrdən biridir

O vaxtdan bəri çox az sayda ölkə bu iki coğrafi vahidin müstəqiliyini tanıyıb.

Moskvanın yaxın müttəfiqi olan Suriya belə ölkələrdən biridir.

2015-ci ildə Suriya münaqişəsinə hərbi müdaxilə etmiş Rusiya 2008-ci ildən Abxaziya və Cənubi Osetiyada da qoşun saxlayır.

Abxaziya separatçıları 2020-ci ildə Suriya paytaxtında “səfirlik” açıblar.

Rusiya və İran 2015-ci ildə devrilməkdə olan Əsədə həlledici hərbi dəstək verərək onun rejimini xilas ediblər.

Suriya münaqişəsində 400 mindən çox insan həlak olub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG