Keçid linkləri

2024, 15 İyun, şənbə, Bakı vaxtı 17:21

Aeroflot Türkiyəyə iyun reyslərini təxirə salır


Antalya, arxiv fotosu
Antalya, arxiv fotosu

Türkiyə rəsmiləri Rusiyaya səfər zamanı turizm, vaksin göndərişləri, digər məsələləri müzakirə ediblər

Rusiyanın Aeroflot şirkəti Türkiyəyə iyun reyslərinin demək olar hamısını təxirə salıb. Koronavirusun yayılmasına qarşı ötən ay tətbiq olunmuş qadağa uzadılıb.

Şirkətin mayın 17-də bildirməsinə görə, Rusiya hökuməti Türkiyəyə uçuşları bərpa edənəcən qadağa qüvvədə qalacaq. Türkiyə Rusiya turistlərin ən çox getdiyi ölkələrdən biridir.

Qərar dəyişərsə...

Aeroflot koronavirusa qarşı işçi qrupun icazəsi ilə iyunda Türkiyəyə həftədə iki uçuşu saxlayıb.

Rusiya ötən ay Türkiyəyə uçuşları iyunun 1-dək məhdudlaşdırıb.

Aeroflotun sözçüsü Mixail Demin jurnalistlərə deyib ki, qərar dəyişərsə, qrafiki dəyişə, uçuş sayını artıra bilərlər.

“Digər şirkətlər kimi biz də hökumətin qərargahının qərarını gözləyirik”, – o deyib.

“İzvestiya” qəzetinin mayın 17-də yazmasına görə, qadağa iyunun 30-dək qüvvədə qalacaq.

Rusiya vaksini ilə bağlı razılaşma əldə olunub

“Reuters” isə hava sənayesi sektorunda adını çəkmədiyi mənbəyə istinadla Rusiya hökumətinin qadağanı iyunun 30-dək uzatdığını yazıb. Moskvada başqa bir mənbə isə agentliyə hələ qərar verilmədiyini deyib.

Türkiyə Prezidenti Recep Tayyip Erdoğanın müşaviri İbrahim Kalin, Türkiyənin Turizm naziri Mehmet Nuri Ersoy mayın 17-də Rusiyaya səfər zamanı turizm, vaksin göndərişləri, digər məsələləri müzakirə ediblər. Məlumatı Anadolu dövlət agentliyi yayıb.

Kalin danışıqlardan sonra Anadolu-ya deyib ki, Rusiya Türkiyədə yoluxmaları, qadağaların yumşaldılmasını diqqətlə izləyir.

“Rusiya vaksininin tezliklə Türkiyəyə göndərilməsi, eləcə də turizm mövsümü ilə bağlı tədbirləri, uçuşların başlanmasını, prosesini sürətləndirilməsi üzrə razılaşma əldə etdik”, – o deyib.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG