Keçid linkləri

2024, 29 Mart, Cümə, Bakı vaxtı 05:48

DSX: İki Azərbaycan sərhədçisi həlak olub


Azərbaycan-İran sərhəddi, arxiv foto
Azərbaycan-İran sərhəddi, arxiv foto

Bu gün, mayın15-i saat 16:00 radələrində Dövlət Sərhəd Xidmətinin Sərhəd Qoşunlarının Yardımlı rayonu¬nun xidməti sahəsində 3 nəfər naməlum şəxsin dovlət sərhədini pozmasının aşkar olunduğu bildirilir.

Bu barədə Azərbaycan Dövlət Sərhəd Xidməti ( DSX) məlumat yayıb.
Məlumatda yazılıb ki, sərhəd pozucuları sərhəd naryadının “Dayan” əmrinə tabe olmayıb, sərhəd naryadına qarşı odlu silahdan atəş açıb, əllərində yükü ataraq hadisə yerindən qaçmağa cəhd ediblər:

Sərhəd pozucularının açdıqları atəş nəticəsində bir baş leytenantın və bir kiçik gizirin yaralandığı qeyd edilir:

"Hərbi qulluqçular dərhal tibb müəssisəsinə təxliyə olunub, lakin həyatlarını xilas etmək mümkün olmayıb. "

Açıqlamaya görə, hadisə yerində təxminən 10 kq narkotik vasitəyə bənzər maddələr aşkarlanıb :

"Hadisənin baş verdiyi ərazi qapadılıb və havadan nəzarət məqsədilə sərhəd aviasiyası tətbiq olunub. Sərhəd pozucularının axtarışı üzrə keçirilmiş əməliyyat-qoşun tədbirləri nəticəsində sərhəd pozucularından biri saxlanılıb, digərlərinin axtarışı davam etdirilir. İİR ( İran İslam Respublikası– Red ) vətəndaşı olan sərhəd pozucusunun şəxsiyyətinin müəyyən edilməsi üzrə tədbirlər görülür. "

Məlumata görə, DSX rəisinin müavini – Sərhəd Qoşunlarının Komandanı general-leytenant Araz Məmmədovun başçılığı ilə bir qrup zabit hadisə yerinə ezam olunub :

"Hadisə barədə aidiyyəti hüquq mühafizə orqanlarına və İran tərəfinə məlumat verilib "

Bu açıqlamaya, hələlik, İranin rəsmi qurumlarından və saxlanan şəxsin vəkilindən münasibət almaq mümkün olmayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG