Keçid linkləri

Təcili xəbərlər
2021, 15 May, şənbə, Bakı vaxtı 01:01

Ermənistandakı Rusiya bazasının iki dayaq məntəqəsi yaradılıb (Video)


Qarabağın bərpasına xərclənən milyonların hesab-kitabı varmı?
Gözlə

No media source currently available

0:00 0:15:05 0:00

Qarabağın bərpasına xərclənən milyonların hesab-kitabı varmı?

Ermənistanın Syunik vilayətində Rusiyanın 102-ci bazasının iki dayaq məntəqəsi yaradılıb.

Reuters agentliyi bildirir ki, bu barədə məlumatı mayın 3-də baş nazirin vəzifəsini icra edən Nikol Paşinyan parlamentin sessiyasında verib.

Onun sözlərinə görə, Ermənistan sərhədlərinin müdafiəsi Rusiya-Ermənistan birgə qoşun qruplaşmasının “gücü və səyləri” ilə həyata keçirilir:

"Bu təkcə Syunik vilayətinin yox, bütün Ermənistanın təhlükəsizliyi üçün qarantiyadır”.

Ermənistandakı Rusiya hərbi bazasının dayaq məntəqələrinin yaradılması planları barədə Paşinyan hələ aprelin 14-də məlumat vermişdi.

Onun sözlərinə görə Rusiya-Ermənistan hərbi ittifaqı Ermənistanın xarici təcavüzə qarşı müdafiəsində əsas element olacaq.

Ermənistan Sünikdə sərhəddə neytral zona yaratmağa çalışır
Gözlə

No media source currently available

0:00 0:04:19 0:00

21 kilometrin çətinliyi

Syunik vilayəti eyni zamanda Azərbaycanın Naxçıvan bölgəsi ilə həmsərhəddir.

Bu vilayətin sakinləri 44 günlük müharibədən və Azərbaycanın Ermənistan sərhədi boyunca işğal edilmiş ərazilərinin azad olunmasından sonra Azərbaycan hərbi postlarının onların kəndlərinə çox yaxın olmasından narahatlıq və qorxu ifadə edirdilər.

Paşinyan bildirib ki, Syunik vilayəti ilə Azərbaycanın Qubadlı və Zəngilan rayonları zonasında Ermənistan və Azərbaycan arasında dövlət sərhədinin dəqiqləşdirilməsi çətinliklərlə üzləşir, beləki Ermənistanın Gorus və Qafan şəhərləri arasındakı magistralın 21 kilometri Azərbaycanın ərazisinə düşür.

Bundan əvvəl Ermənistan Gorus-Qafan yolunun sözü gedən sektoruna Rusiya sərhəd qoşunları tərəfindən nəzarət edilməsini istəmişdi.

Xatırlatma

2020-ci il sentyabrın 27-də Azərbaycan və Ermənistan silahlı qüvvələrinin təmas xəttində ağır döyüşlər başlamışdı. 44 günlük bu müharibə və sonrakı razılaşma nəticəsində Azərbaycan Dağlıq Qarabağın bir hissəsinə və ətraf yeddi rayona nəzarəti ələ alıb.

10 noyabr razılaşmasına (Azərbaycan, Ermənistan və Rusiya rəhbərləri arasında) əsasən, həmçinin Laçın dəhlizində və qoşunların təmas xəttində isə Rusiya sülhməramlıları yerləşdirilib.

Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Bu il yanvarın 11-də Moskvada Azərbaycan, Rusiya prezidentləri və Ermənistanın baş naziri üçtərəfli bəyanat da imzalayıblar.

Bu bəyanat, əsasən, regionda nəqliyyat infrastrukturunun, iqtisadi əlaqələrin bərpa və genişləndirilməsini nəzərdə tutur.

Müasir mərhələdə Qarabağ münaqişəsi Ermənistanın Azərbaycana ərazi iddiaları ilə 1988-ci ildə başlayıb.

1994-cü ildə gerçəkləşən atəşkəs razılaşmasına qədər (Birinci Qarabağ Müharibəsi) Azərbaycanın Dağlıq Qarabağ bölgəsi və ona bitişik 7 rayonu işğal edilmişdi.

Şərhlər

XS
SM
MD
LG