Keçid linkləri

2024, 14 İyun, Cümə, Bakı vaxtı 10:03

Paşinyanın Sünik səfərinə etiraz aksiyaları keçirilir


Mehridə etiraz, 21 aprel, 2021-ci il
Mehridə etiraz, 21 aprel, 2021-ci il

Nikol Paşinyan aprelin 19-da Sünik vilayətində olub, Şurnux kəndində bir neçə evə baş çəkib

Ermənistanın Baş naziri Nikol Paşinyanın Sünik bölgəsinə səfərinə etiraz aksiyaları keçirilir. Bu haqda AzadlıqRadiosu-nun Ermənistan xidməti məlumat yayıb.

Azatutyun vəziyyətin arada qızışdığını bildirir. Məsələn, Mehri sakinləri baş nazirin hərəkətinə mane olmağa çalışıb, ondan çıxıb getməsini tələb ediblər.

Hökumət səfərin gündəliyini açıqlamayıb.

Paşinyan aprelin 20-dən Sünikdə səfərdədir. O, Azərbaycanla 44 günlük müharibə nəticəsində sərhəd zonasına çevrilmiş Şurnux kəndində olub. Sərhədlərin korrektə olunması Sünikdə narazılıq yaradıb. Bir neçə yerli icma rəhbəri Paşinyanın istefasını tələb ediblər.

***

Ermənistanın Baş naziri Nikol Paşinyan aprelin 19-da Sünik vilayətində olub, Şurnux kəndində bir neçə evə baş çəkib.

Bu haqda Ermənistan parlamentinin vitse-spikeri Alen Simonyan Facebook səhifəsində yazıb.

“Baş nazirlə bizi Şurnuxda bir neçə evdə qarşıladılar, biz kəndin mərkəzində idik. Bizi gözləmirdilər”, – deyə Simonyan bir neçə foto da yerləşdirib.

Baş nazirin Sünik vilayətinə səfərinə dair rəsmi informasiya yoxdur.

Bu yaxınlarda Ermənistan Prezidenti Armen Sarkisyan, insan haqları ombudsmanı Arman Tatoyan da bölgədə səfərdə olub.

Azərbaycan ötən il Ermənistanla 44 günlük müharibə nəticəsində Qarabağın bir hissəsi və ətraf 7 rayona nəzarəti geri alıb. Amma qoşunların təmas xəttinə Rusiya hərbçiləri yerləşdirilib.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG