Keçid linkləri

Təcili xəbərlər
2021, 15 Aprel, Cümə axşamı, Bakı vaxtı 04:29

Almaniya və Fransa, Ukraynanın şərqində artan atəşkəs pozuntularından narahatdır


Ukrayna əsgərləri Donbassda, arxiv foto

Almaniya və Fransanın xarici işlər nazirliklərinin Ukraynanın şərqində artan atəşkəs pozuntuları ilə bağlı birgə bəyanat veriblər. Sənəddə qeyd olunur ki, keçən ilin iyulundan bəri vəziyyətin bir qədər sabitləşməsindən sonra gərginlik artır.

"Biz vəziyyəti, xüsusən də Rusiya qoşunlarının hərəkətlərini yaxından izləyirik və bütün tərəfləri təmkinli olmağa və ən qısa müddətdə gərginliyi azaltmağa çağırırıq" deyə vurğulanır.

Martın sonunda, "The New York Times", mənbələrə istinadən, təxminən 4.000 rus əsgərinin Ukrayna ilə sərhəddəki müxtəlif nöqtələrdə yerləşdiyini xəbər verib.

Qəzetin yazdığına görə, ABŞ Silahlı Qüvvələrinin Avropa Komandanlığı vəziyyətin izlənmə səviyyəsini "mümkün böhrandan" "potensial yaxınlaşan böhrana" - ən yüksək səviyyəyə qaldırıb.

Belə bir reaksiyanın 23 martda hərbi təlimlər bitdikdən sonra Rusiyanın öz qoşunlarını geri çəkməməsi ilə bağlı olduğu vurğulanır. "Deutsche Welle" Moskvanın Bryansk, Voronej və Rostov bölgələrinə və əlavə Krım bölgəsinə əlavə qüvvə köçürdüyünə dair sosial şəbəkələrdə məlumatların yayıldığına diqqət çəkir.

Kremlin sözçüsü Dmitri Peskov məlumatlara reaksiya verib. O deyib ki, Rusiya hərbi qüvvələrini "öz mülahizəsinə görə öz ərazisi daxilində" hərəkət etdirir və bu heç kimi narahat etməməlidir.

Mart ayının sonundan etibarən Ukrayna hərbçiləri vaxtaşırı bildirilər ki, Donbassdakı separatçılar Minsk razılaşmasını pozaraq onların mövqelərini tez-tez atəşə tuturlar. Separatçı "DPR" və "LPR" nümayəndələri də Ukrayna ordusunu onların nəzarətində olan əraziləri atəşə tutmaqda günahlandırırlar.

Şərhlər

XS
SM
MD
LG