Keçid linkləri

2024, 28 Mart, Cümə axşamı, Bakı vaxtı 14:12

ATƏT sədrinə Yerevanda nə deyildi: status...


Ann Linde (solda) və Ara Ayvazyan
Ann Linde (solda) və Ara Ayvazyan

Ayvazyan deyib ki, Ermənistan ötən il noyabrın 9-da imzalanmış üçtərəfli atəşkəs razılaşmasına aralıq həll kimi baxır

Ermənistan inanır ki, Dağlıq Qarabağ münaqişəsinin yekun siyasi həlli yalnız ATƏT-in Minsk qrupunun həmsədrliyi çərçivəsində danışıqlarda müzakirə olunmalıdır.

Yerevanda ATƏT-in fəaliyyətdə olan sədri Ann Linde Ermənistanın Xarici işlər naziri Ara Ayvazyanla martın 16-da birgə mətbuat konfransı keçirib. Ayvazyan deyib ki, Ermənistan ötən il noyabrın 9-da imzalanmış üçtərəfli atəşkəs razılaşmasına aralıq həll kimi baxır.

“Sənəddə sülh yoluyla həllə dair bəzi müddəalar olsa da, əsas elementləri əhatələmir, onların içində ən vacib məsələ isə Artsaxın (Qarabağ) Artsax ermənilərinin öz müqəddəratını təyinetmə hüququna söykənən statusudur”, – Ayvazyan deyib.

O əlavə edib ki, münaqişənin yekun siyasi həlli yalnız ATƏT-in Minsk qrupunun həmsədrliyi çərçivəsində mümkündür.

Rusiya, Birləşmiş Ştatlar və Fransanın həmsədr olduqları Minsk qrupu 1990-cı illərin əvvəllərində yaradılıb.

Linde Yerevana martın 15-də axşam Bakıdan gedib. O, Bakıda Prezident İlham Əliyev, Xarici işlər naziri Ceyhun Bayramovla görüşüb.

Linde martın 16-da Baş nazir Nikol Paşinyanla da görüşməlidir.

Səfərdə məqsəd Dağlıq Qarabağ münaqişəsini, son müharibədən sonrakı vəziyyəti müzakirə etməkdir.

Ötən il 44 günlük müharibə Moskvanın vasitəçilik etdiyi atəşkəslə bitdi. Azərbaycan Qarabağın bir hissəsinə və ətraf yeddi rayona nəzarəti geri ala bildi, təmas xəttinə isə Rusiya hərbçiləri yerləşdirildi.

O vaxtdan Azərbaycan Prezidenti İlham Əliyev dəfələrlə deyib ki, Dağlıq Qarabağ münaqişəsini həll olunmuş sayır və regionun statusundan söhbət gedə bilməz.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG