Keçid linkləri

2024, 29 Mart, Cümə, Bakı vaxtı 11:11

Paşinyan və müxalifət razılığa gələ bilmədilər (VIDEO)


Baş nazir Nikol Paşinyan (sağda) və Edmon Marukyan
Baş nazir Nikol Paşinyan (sağda) və Edmon Marukyan

Ermənistanda növbədənkənar parlament seçkilərinin keçirlməsinə dair razılaşma əldə olunmayıb.

AzadlıqRadiosunun Erməni xidməti – Azatutyun yazır ki, bu barədə bəyanatı müxalif “Maariflənmiş Ermənistan” parlament fraksiyasının rəhbəri Edmon Marukyan verib.

O bundan əvvəl baş nazir Nikol Paşinyanla bir saatadək davam edən danışıqlarda olub.

Tərəflər başqa bir müxalifət partiyası “Çiçəklənən Ermənistan” fraksiyasının məsələyə münasibəti müəyyən edildikdən sonra təkrar danışıqlar aparmaq barədə razılığa gəliblər.

Razılaşmanın əldə olunmasını qəlizləşdirən Edmon Marukyanın hökumətə eyni zamanda iki şərt qoymasıdır.

Marukyan bildirir ki, hakimiyyət həm erkən seçkilərə razılaşmalı, həm də Nikol Paşinyan Ermənistan silahlı qüvvələri baş qərargah rəisi Onik Qasparyanın vəzifəsindən kənarlaşdırılmasına dair fərmanının geri götürməlidir.

Ermənistanda parlament binasını snayperlər qoruyur
Gözlə

No media source currently available

0:00 0:01:29 0:00

Marukyanın kompromis təklifi

Nikol Paşinyanın hökuməti bu iki məsələnin bir-biri ilə bağlanmasına qarşıdır.

Marukyan deyib ki, o məhz buna görə də hökumətə kompromis təklif edib: Paşinyan Qasparyana dair fərmanını hələlik dondurur və bu məsələ növbədənkənar seçkidən sonra həll edilir.

Lakin Paşinyan məsələnin belə qoyuluşunu qətiyyətlə rədd edib.

Azatutyunun suallarına cavab verərkən Marukyan deyib ki, o danışıqların növbəti dövrəsində gündəliyin necə olacağını bilmir:

“Mən nə isə pis bir hadisənin, fəlakətin baş verməsini istəmirəm. Mən ümid edirəm ki, biz hansısa bir şəkildə çıxış yolu tapacağıq”.

Azatutyun bunu da yazır ki, Nikol Paşinyanın “Çiçəklənən Ermənsitan” partiyasının lideri Qagik Tsarukyanla da danışıqlar aparıb-aparmayacağı bilinmir.

Paşinyan bundan əvvəl həmin partiyanın parlamentdəki fraksiyasına dəvət göndərdiyini, lakin cavab almadığını bildirmişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG