Keçid linkləri

Təcili xəbərlər
2021, 14 Aprel, çərşənbə, Bakı vaxtı 01:07

Prokuror Putinə 'hökm' oxuyan fəala 6 il 7 ay iş tələb edir


Karim Yamadayev "hökm" oxuyur

Rusiyada prokuror Tatarıstandan olan fəal Karim Yamadayev üçün 6 il 7 ay iş istəyb.

Yamadayev YouTube-da Putinin qondarma məhkəməsini göstərən video yerləşdirib.

Videoda hakim rolunu oynayan Yamadayev Rusiya prezidenti Vladimir Putinə, onun mətbuat katibi Dmitri Peskova və Rosneft şirkətinin başçısı İqor Seçinə “hökm” oxuyur.

AzadlıqRadiosunun Rus xidməti bu barədə məlumatı “Agora” beynəlxalq insan haqları qrupunun başçısı Pavel Çikova istinadən yayıb.

Yamadayevi internetdə terrora haqq qazandırmaqda və hakimiyyət təmsilçilərini təhqir etməkdə ittiham edirlər.

“Bədii təxəyyülün nəzakətli forması”

O təqsirini etiraf etmir və “öz bədii təxəyyülünü nəzakətli formada ifadə edən şəxsin təqib olunmasını” qanunsuzluq adlandırır.

Putin, Peskov və Seçinin tamaşa məhkəməsi “Hakim Qremm” veb-serialı üçün çəkilib.

Klip dekabrın 29-da dərc edilib.

Həmin videoda hakim rolunu oynayan Yamadayev əyinlərində qara paltar və boyunlarında adları – “Vladimir Putin”, “Dmitri Peskov” və “İqor Seçin” yazılmış lövhələr olan şəxsləri insanlığa qarşı cinayətlərdə ittiham edir və onlara ölüm hökmü oxuyur.

Bundan əvvəl Putinə "qəbir" düzəltmişdi

Bu da deyilməlidir ki, klipin dərc edilmiş variantında “Vladimir Putin” lövhəli şəxsə hökm oxunmur.

Videonun başlanğıcında onun yaradıcıları klipin zorakılığı təbliğ etmədiyi və hər hansı sosial qrupa qarşı nifrəti qızışdırmadığına dair xəbərdarlıq edirlər.

Yamadayevə qarşı cinayət işini Federal Təhlükəsizlik Xidmətinin Tatarıstan idarəsi qaldırıb.

Cinayət təhqiqatını xüsusilə mühüm işlər üzrə müstəntiq aparıb və ittihamnaməni də o yazıb.

Bundan əvvəl, 2019-cu ildə Karim Yamadayev Naberejnı Çelnı şəhərindəki İstintaq Komitəsinin qarşısında Vladimir Putinə qondarma məzar quraşdırdığına görə 28 sutkalığına həbs olunmuşdu.

XS
SM
MD
LG