Keçid linkləri

2024, 11 May, şənbə, Bakı vaxtı 04:30

Azərbaycanlıların Xankəndi və Xocalıya qayıtmasının çətinliyi


[BMT Qarabağda nələri qiymətləndirəcək?
Gözlə

No media source currently available

0:00 0:10:00 0:00

[BMT Qarabağda nələri qiymətləndirəcək?

Qarabağda nizamlama prosesinə BMT də cəlb oluna bilər.

Dövlətdən maliyyələşən Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev AzadlıqRadiosuna deyir ki, Bakının da BMT-nin qiymətləndirmə missiyası ilə müxtəlif mövzularda müzakirəsi gedir.

Bunlardan biri Qarabağın işğalına görə Azərbaycana dəymiş ziyanın, dağıntıların hesablanmasıdır.

O bildirir ki, BMT-nin qiymətləndirməsi olarsa, xaricdən vəsait cəlb etmək olar.

Fərid Şəfiyev deyir ki, Rusiya sülhməramlılarının nəzarətində olan Xocalı, Xocavənd, Ağdərə, Xankəndi və sair bölgələrə azərbaycanlı qaçqınların qayıtması Azərbaycan hökumətinin hədəfidir, rəsmi Bakı bu tələbi təmin etməyə çalışacaq, amma bu məsələ, birinci mərhələdə hələki real deyil:

“Bu hələki, real deyil. Çünki əsas məsələ təhlükəsizlikdir. Bu, qayıdış planının 2-ci hissəsidir. Biz əvvəlcə bunu Rusiya ilə müzakirə edəcəyik”.

Rusiya Xarici İşlər Nazirliyinin sözçüsü Mariya Zaxarova yanvarın 28-də keçirilən mətbuat konfransında deyib ki, BMT-nin kompleks qiymətləndirmə missiyasının Dağlıq Qarabağa göndərilməsi ilə bağlı həm Ermənistan, həm də Azərbaycanla danışıqlar gedir.

Azərbaycanlı köçkünlər də qayıtmalıdır

Xanım Zaxarova deyib ki, Moskva, bu işə başqa ölkələrin, nüfuzlu beynəlxalq strukturların qoşulmasını faydalı hesab edir.

Zaxarova missiyanın hansı işlə məşğul olacağını deməyib.

Qarabağda 44 gün davam edən hərbi qarşıdurmadan sonra noyabrın 10-da Azərbaycan, Rusiya və Ermənistan liderləri arasında imzalanan atəşkəs razılaşmasına görə, məcburi köçkünlər və qaçqınlar Birləşmiş Millətlər Təşkilatının Qaçqınlar üzrə Ali Komissarlığı İdarəsinin nəzarəti altında öz evlərinə qayıtmalıdırlar.

Prezidentin təyin etdiyi analitik:"Xocalı köçkünlərinin qayıtması hələ real deyil"
Gözlə

No media source currently available

0:00 0:04:05 0:00

Müharibə bitən kimi erməni əhali Rusiya sülhməramlılarının nəzarəti ilə bölgəyə qayıtmağa başlayıb.

Amma hələlik nə işğaldan azad olunan ərazilərə, nə də hələ də erməni və Rusiya sülhməramlılarının nəzarətində olan bölgələrə azərbaycanlı qaçqınlar qayıda bilməyib.

İşğal dövründə bu ərazilərdə yaşayış üçün bütün infrastruktur dağıdıldığından və ərazilər minalandığından bir milyon nəfərə yaxın köçkünü hələlik öz evlərinə qaytarmaq mümkün olmur.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG