Keçid linkləri

2024, 14 İyun, Cümə, Bakı vaxtı 07:31

İran vaksin almaq üçün xaricdəki pullarından istifadə edə biləcək


Tehranda xəstəxana
Tehranda xəstəxana

İranda indiyədək COVID-19-dan 54 mindən çox insan vəfat edib

ABŞ sanksiyalarına baxmayaraq, İran koronavirus vaksinləri almaq üçün xarici valyuta ehtiyatlarından istifadə edə biləcək. Mərkəzi bank sədrinin dekabrın 24-də deməsinə görə, Birləşmiş Ştatlar buna icazə verib.

Abdolnaser Hemmati deyib ki, ABŞ Xəzinədarlığının uyğun departamenti İsveçrə bankına transferi təsdiqləyib.

16.8 milyon dozalıq vaksin alınacaq

Hemmatinin sözlərinə görə, COVAX-dan ilkin olaraq 16.8 milyon doza vaksin almaq üçün 244 milyon dollar ödəyəcək. İran rəsmiləri indiyədək ABŞ sanksiyaları ucbatından COVAX-a ödəniş edə bilmədiklərini deyirdilər.

COVAX Dünya Səhiyyə Təşkilatının rəhbərlik etdiyi qlobal COVID-19 vaksin planıdır.

“Amerikalılar banklarımızın hamısına sanksiya qoyublar. Dünya ictimai fikrinin təsiri altında bunu qəbul etdilər”, – Hemmati İran dövlət televiziyasına deyib.

COVID-19 peyvəndini Azərbaycan hansı ölkədən alır?
Gözlə

No media source currently available

0:00 0:03:30 0:00

O, Instagram postunda təsdiqlə bağlı xəbər yaysa da, ödəniş mexanizmi, yaxud vaksin təchizatçısı haqda detalları paylaşmayıb.

ABŞ Xəzinədarlığı informasiyanı təsdiqləməyib.

İranda indiyədək COVID-19-dan 54 mindən çox insan vəfat edib.

Səhiyyə Nazirliyinin sözçüsü Sima Sadat Larinin dövlət televiziyasına deməsinə görə, son 24 saat ərzində COVID-19-dan 152 nəfər ölüb.

Bu, sentyabrın 18-dən bəri ən aşağı ölü sayı olsa da, rəsmilər yoluxmaların yenidən arta biləcəyi ilə bağlı xəbərdarlıq edirlər.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG