Keçid linkləri

2024, 21 May, çərşənbə axşamı, Bakı vaxtı 10:46

Moskvada vaksin vurdurmaq üçün onlayn xidmət açıldı


Rusiya
Rusiya

Moskvada 20 mindən çox insana indiyədək Sputnik V vaksini vurulduğu, onlardan 273-nün sonradan COVID-19-a yoluxduğu deyilir

Bu gün – dekabrın 4-də Moskvada COVID-19-a qarşı vaksin vurdurmaq istəyənlər üçün onlayn xidmət açılıb. İki gün qabaq Prezident Vladimir Putin genişmiqyaslı peyvəndləmə göstərişi verib.

Rusiyada hazırlanmış Sputnik V vaksini klinik sınaqlar tamamlanmamış qeydiyyata alınıb. Aralıq sınaqlarda vaksinin 92 faiz effektli olduğu bildirilir.

10 vaksin hazırlanır

Hazırda Rusiyada 10 vaksin hazırlanır, TASS “Rospotrebnadzor” istehlakçı sağlamlığı agentliyinin direktoru Anna Popovaya istinadla xəbər yayıb.

Moskva merinin vebsaytında yerləşdirilmiş informasiyada deyilir ki, paytaxt sakinləri 10 məntəqədə pulsuz vaksin vurdurmaq üçün qeydiyyata düşə bilərlər. Qeydiyyat sabahdan başlanır.

Ilkin olaraq 18-60 yaşlı sosial işçilərə, həkimlərə və müəllimlərə üstünlük veriləcəyi qeyd olunur. Qeydiyyat üçün peşə mənsubiyyətinə dair sənəd göstərilməlidir.

“Moskvanın digər sakinlərinə pulsuz peyvənd daha sonra vurulacaq”, – vebsaytda göstərilib.

Britaniya isə gələn həftədən Pfizer Inc və BioNTech-in hazırladığı vaksinin tətbiqinə başlanacağını bildirib.

20 min nəfərdən 273-ü yoluxub

Moskvada 20 mindən çox insana indiyədək Sputnik V vaksini vurulduğu, onlardan 273-nün sonradan COVID-19-a yoluxduğu deyilir. Bunu Moskva merinin müavini Anastasiya Rakova açıqlayıb.

Onun sözlərinə görə, Müdafiə Nazirliyi bu ay 50 min hərbi personala çatacaq 100 min doza vaksin alacaq.

Rusiya ikini dalğa zamanı karantinə getməyib, regional səviyyədə məhdudiyyətlərə üstünlük verib. Ölkədə yoluxmalar 2 milyon 400 mini keçib, 42 mindən çox xəstə vəfat edib.

Bu arada Serbiyanın Rusiyadan vaksinin ilkin partiyasını aldığı xəbər verilir. Rəsmilərin bildirməsinə görə, ölkə mümkün vaksinlərin hamısından almaq istəyir ki, vətəndaşlar özləri seçim edə bilsinlər.

7 milyon əhalisi olan Serbiyada son həftələr bir neçə min yoluxma aşkarlanıb.

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG