Keçid linkləri

Təcili xəbərlər
2021, 19 Yanvar, çərşənbə axşamı, Bakı vaxtı 07:23

Ermənistanda nazirlərin istefası davam edir


Araik Arutyunyan

Ermənistanın İqtisadiyyat naziri Tiqran Xaçatryan da istefa verib. Onun mətbuat katibi Anna Oqanyan Azatutyun Radiosuna informasiyanı təsdiqləyib.

Nazirin istefa ərizəsini noyabrın 23-də təqdim etdiyi, ancaq müvafiq qərar qəbul edilənəcən vəzifəsinin icrasını davam etdirdiyi bildirilir.

Baş nazir Nikol Paşinyanın sərəncamıyla, noyabrın 20-dən Qabriyel Balayan Müdafiə nazirinin müavini vəzifəsindən azad olunub. O, 2018-ci ilin mayından bu vəzifədə idi.

***

Ermənistanın Təhsil, Elm, Mədəniyyət və İdman naziri Araik Arutyunyan vəzifəsindən azad olunub. Prezidentin fərmanıyla onu Vaqram Dumanyan əvəzləyəcək.

Arutyunyan 2018-2019-cu illərdə təhsil və elm naziri işləyib, 2019-cu il iyunun 1-dən isə Təhsil, Elm, Mədəniyyət və İdman naziri postuna təyin olunub.

Vaqram Dumanyan Yerevan Dövlət Universitetinin İnformatika və tətbiqi riyaziyyat fakültəsinin dekanıdır, fizika-riyaziyyat elmləri doktoru, professordur.

Daha öncə müdafiə naziri David Tonoyan, Əmək və Sosial Məsələlər naziri Zarui Batoyan, Fövqəladə Hallar naziri Feliks Tsolakyan və Xarici işlər naziri Zohrab Mnatsakyan istefa veriblər.

XS
SM
MD
LG