Keçid linkləri

2024, 24 İyul, çərşənbə, Bakı vaxtı 09:50

Google şirkətinə qarşı ‘təhlükəli kontent’ araşdırması


İllüstrativ foto
İllüstrativ foto

Google şirkətinin qadağan olunmuş kontenti axtarış mühərrikindən çıxarmadığı bildirilir

Rusiyanın media tənzimləyicisi Roskomnadzor ABŞ-n Google texnologiya nəhənginə qarşı araşdırmaya başlayıb. Google şirkətinin qadağan olunmuş kontenti axtarış mühərrikindən çıxarmadığı bildirilir.

Roskomnadzor noyabrın 23-də bəyan edib ki, Google axtarış mühərrikindəki “təhlükəli kontent”in 30 faizini silmir.

“Şirkət Rusiya qanunvericiliyinin tələblərinə əməl etməməkdə ittiham olunur”, – bəyanatda vurğulanır.

5 milyon rubladək cərimə

İddia olunan təhlükəli kontentə ekstremizm, pornoqrafiya, intiharın təbliği kimi mövzuların daxil olduğu bildirilir.

Bu administrativ prosedur məhkəmə işilə və 5 milyon rubladək (65 min 670 dollar) cəriməylə nəticələnə bilər.

Google hələlik, məsələni şərh etməyib.

Rusiya qanunvericiliyinə görə, axtarış mühərrikləri Rusiyada bloklanmış saytları axtarış nəticələrindən çıxarmalıdır. Bundan ötrü isə onlar qadağan olunmuş saytların reyestri ilə əlaqə qurmalıdırlar.

Google daha öncə də nisbətən kiçik məbləğlərdə cərimələnib, Roskomnadzor-un qadağan olunmuş informasiya reyestrinə uyğun olaraq axtarış nəticələrinin filtrindən imtina edib.

Şirkət mütəmadi olaraq axtarış mühərriklərindən qadağan olunmuş saytları çıxarır, ancaq bunu avtomatik deyil, qadağanın əsaslarını öyrənəndən sonra edir.

AzadlıqRadiosunda iş

İcraçı prodüser

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG