Keçid linkləri

Təcili xəbərlər
2020, 01 Oktyabr, Cümə axşamı, Bakı vaxtı 22:23

Nazarbaev-in nəvəsi Londonda vəfat edib


Aisultan Nazarbaev

Qazaxıstanın keçmiş prezidenti Nursultan Nazarbaev-in nəvəsi Aisultan Nazarbaev Londonda 29 yaşında vəfat edib. O, narkotik aludəçiliyindən əziyyət çəkirdi, Britaniyada hüquqi problemləri vardı.

Anası, Qazaxıstan parlamentinin keçmiş spikeri Dariga Nazarbaeva oğlunun vəfatını təsdiqləyib.

“Ailəmizin sevimlisi Aisultan-ın itirməyimiz bizi sarsıdıb və indiki çox çətin məqamda gizliliyin qorunmasını xahiş edirik”, – o yazıb.

Aisultan Nazarbaev vaxtilə Qazaxıstan milli futbol federasiyasının vitse-prezident idi. Son illər Qazaxıstan hakimiyyətini, güclü ailə üzvlərinin tənqid etməsilə gündəmə gəlmişdi.

2019-cu ilin oktyabrında Britaniya məhkəməsi ona bir il qabaq Londonda polisə hücum etdiyinə görə şərti cəza kəsib.

O, fevralda Britaniyadan sığınacaq istədiyini açıqladı. Aisultan Nazarbayeva-nın mərhum keçmiş əri Rakhat Aliyev-in ikinci oğlu idi. Nursultan Nazarbayev-in tənqidçisi olan Rakhat Aliyev 2015-ci ildə Avstriyada həbsxanada vəfat etdi. O, qətl ittihamıyla saxlanmışdı.

2017-ci ildə narkotik aludəçisi olduğunu etiraf etmiş Aisultan Nazarbaev-un ürək tutmasından vəfat etdiyi bildirilir.

XS
SM
MD
LG