Keçid linkləri

Təcili xəbərlər
2020, 18 Sentyabr, Cümə, Bakı vaxtı 11:40

İranda koronavirus qadağaları hələ altı ay qüvvədə olacaq


İranda tibb işçisi

İranda koronavirus pandemiyasına görə elan olunmuş fövqəladə vəziyyət azı 2021-ci il yanvarın sonunadək qüvvədə olacaq. Bunu ölkə prezidenti Hassan Rohani deyib.

“Altı aydır bu vəziyyətdəyik və azı daha altı ay buna hazır olmalıyıq”, – Rohani avqustun 9-da vebsaytında dərc olunmuş bəyanatda bildirir.

Prezidentin sözlərinə görə, indilik ictimai səhiyyə qadağalarının tamamilə yumşaldılması planlaşdırılmır.

“Normal həyata dönüşlə virus qadağalarına əməl etməyin orta yolunu tapmalıyıq”, – o deyib.

Son iki ayda İranda koronavirus qadağaları yumşaldılıb və bir çox iranlılar pandemiyaya əhəmiyyət verməməyə başlayıb. Bu isə Rohani-nin tənqid olunmasıyla sonuclanıb.

Son vaxtlar ölkədə koronavirusdan günə 200 civarında ölüm qeydə alınır.

Hazırda İranda 327 minə yaxın yoluxma təsdiqlənib, 18 mindən çox xəstə vəfat edib.

XS
SM
MD
LG