Azərbaycanda, bütün dünyada olduğu kimi, bu həftənin əvvəlindən avronun məzənnəsi artıb.
Azərbaycan Mərkəzi Bankın (AMB) məzənnəsinə əsasən, iyulun 29-da 1 avro 1.9939 AZN təşkil edir.
Kommersiya bankları avronu 1.9255-1.9850 manat aralığında alır və 2.0000-2.0240 manata satır.
AMB avronun məzənnəsini tənzimləmir və məzənnə ümumi Avropa valyutasının ABŞ dollarına nisbətindən asılı olaraq formalaşır.
Bu həftənin əvvəlindən dünya birjalarında ABŞ dollarının məzənnəsi iki illik minimuma enərək kəskin şəkildə aşağı düşüb.
İyulun 25-də 1 dollar 1.1607 avro, bazar ertəsi isə 1.1745 avro idi. Bu, 2018-ci ilin sentyabrından bəri maksimumdur.
Mütəxəssislər dolların ucuzlaşmasını investorların ABŞ iqtisadiyyatının koronavirus epidemiyası və Çin ilə ticarət savaşından təsirlənəcəyi ilə əlaqələndirirlər.
Ekspertlər hesab edir ki, avronun möhkəmlənməsinə Avropa Birliyinin (AB) 750 milyard avro məbləğində iqtisadi bərpa paketi barədə razılığı gəlməsi faktı da təsir göstərib.
Azərbaycanda isə ABŞ dollarının məzənnəsi 2017-ci ilin yazından dəyişməz qalır. O vaxtdan 1 dollar 1 manat 70 qəpiyə bərabərdir.
Ekspertlər bunu Azərbaycanda dolların məzənnəsinin tənzimlənməsi ilə izah edirlər.