Keçid linkləri

2024, 28 Mart, Cümə axşamı, Bakı vaxtı 13:16

Pandemiyanın iqtisadi zərbəsi daha dərin ola bilər


Arxiv fotosu
Arxiv fotosu

Avropa Birliyi (AB) koronavirus pandemiyasının blokun iqtisadiyyatına əvvəl düşünüldüyündən daha dağıdıcı zərbə vuracağını gözləyir.

AB-nin icraedici qanadı olan Avropa Komissiyası iyulun 7-də bildirib ki, bu il blok üzvü 27 ölkədə istehsalat həcmi 8,3 faiz azalacaq. 2021-ci ildəsə 5,8 faizlik artım gözlənir.

Daha öncəki proqnoz iki ay qabaq, qitənin əksər hissəsi karantində olarkən açıqlanmışdı. Həmin proqnozda deyilirdi ki, bu il birliyin ümumdaxili məhsulu 7,5 faizədək azalacaq, 2021-ci ildəsə 6 faizlik artım gözlənir.

AB-nin İqtisadiyyat Komissarı Paolo Gentiloni proqnozu Brüsseldə təqdim edərkən xəbərdarlıq edib ki, bu proqnoz virusun ikinci dalğasının olmayacağı ehtimalına əsaslanır və bu da “böyük qeyri-müəyyənlik” yaradır.

Bu il avrozona iqtisadiyyatında 8,7 faiz azalma, 2021-ci ildəsə 6,1 faizlik artım gözlənir, AB-nin iqtisadçı ekspertləri bildirirlər. Avrozonaya valyuta kimi avrodan istifadə edən 19 AB üzvü daxildir.

Avropa Komissiyası bildirir ki, 2020-ci ildə iqtisadi fəaliyyətə təsir gözləndiyindən daha pis olacaq, çünki karantin qadağalarının yumşaldılması “daha mərhələli” həyata keçirilir.

Bir neçə ay çəkmiş COVID-19 qadağalarından sonra şirkətlərə və ictimaiyyətə qadağalar tədricən qaldırılır, mağazalar, restoranlar və otellər açılır.

Hazırda AB liderləri resessiyanın təsirini azaltmaq üçün bir neçə milyard avroluq stimul paketi razılaşdırmağa çalışırlar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG