Keçid linkləri

2024, 28 Mart, Cümə axşamı, Bakı vaxtı 14:41

Moskvalılar pulsuz anticisim testindən keçəcək


Arxiv fotosu
Arxiv fotosu

Moskvanın tibb ocaqları paytaxt sakinlərində koronavirus anticismlərinin yaranıb-yaranmaması haqda informasiya toplamaqdan ötrü pulsuz testlər həyata keçirəcək.

Moskva merinin müavini Anastasia Rakova mayın 27-də deyib ki, moskvalılar evlərinə yaxın xəstəxanalarda elektron qaydada qeydiyyata düşəndən sonra testdən keçə bilərlər.

“Testdən 14 gün qabaqdan görüş təyin ediləcək. Nəticələr üç gün ərzində onlayn açıqlanacaq”, – deyən Rakova əlavə edib ki, Moskvada xəstəxanalar günə 5 min test götürə bilərlər.

Rəsmilərin bildirməsinə görə, artıq ikinci gündür ölkədə koronavirusa yoluxmalar azalır.

Son 24 saat ərzində 8 min 338 yoluxma qeydə alınıb, 11 min 79 nəfərin sağaldığı bildirilir.

İndiyədək Rusiyada 370 min 680 təsdiqlənmiş yoluxma açıqlanıb, onlardan 3 min 968 nəfəri vəfat edib. Son 24 saat içində ölü sayı 161 nəfər olub.

Bir çox tədqiqatçılar Rusiyanın rəsmi statistikasını natamam, qeyri-dəqiq, hətta qismən saxtalaşdırımış hesab edirlər. Rusiya rəsmiləri isə bunu təkzib edir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG