Keçid linkləri

2024, 19 Mart, çərşənbə axşamı, Bakı vaxtı 08:29

Virgin Orbit-in buraxdığı raket uğursuz olub


LauncherOne sınaq zamanı, iyul, 2019-cu il
LauncherOne sınaq zamanı, iyul, 2019-cu il

Virgin Orbit şirkətinin modifikasiya olunmuş Boeing 747 təyyarəsindən 10 min metrdən də artıq yüksəklikdə buraxdığı raket uğursuz olub.

Şirkət mayın 25-də axşam tvitində yazıb ki, raket “Kosmos Qızı” (Cosmic Girl) adlı gəmidən təmiz ayrılıb, ancaq ilkin mərhələdə mühərrikini işə salan kimi naməlum nasazlıqla üzləşib.

“Missiya qısa çəkib. Kosmos Qızı və heyətimiz salamatdır və bazaya qayıdır”, – Virgin Orbit bildirib.

Kosmosa turist aparmaq planları da var

Bu şirkəti britaniyalı milyarder Richard Branson təsis edib, 300-500 kiloqramlıq kiçik peyklərin operatorlarını sürətli və çevik buraxma xidməti ilə təmin etməyi hədəfləyir. Bu bazar hazırda sürətlə genişlənməkdədir.

21 metr uzunluğunda LauncherOne raketi Boeing 747-nin qanadının alt hissəsinə birləşdirilib.

Optimal yüksəkliyə çatan təyyarə raketi buraxır, raketi Yerin orbitinə çıxarmaqdan ötrü öz mühərriki işə düşür. Sonradan raket yükünü fəzaya yerləşdirir.

Richard Branson “Virgin Galactic” adlı başqa bir kosmik şirkət də təsis edib. Bu şirkətin məqsədi kosmosa turist aparmaq, onların Yerin səthindən 80 kilometr yüksəklikdə çəkisizliyi hiss etməsinə şərait yaratmaqdır.

Elon Musk-ın SpaceX şirkəti isə mayın 27-də Beynəlxalq Kosmik Stansiyaya ekipajlı uçuş həyata keçirməyi planlaşdırır. Uçuş NASA ilə birlikdə gerçəkləşməlidir.

Bu, SpaceX-in fəzaya ilk dəfə olaraq ekipaj aparması olacaq. 2011-ci ildə NASA-nın Space Shuttle proqramı başa çatandan bəri astronavtlar ilk dəfə olaraq ABŞ torpağından fəzaya qalxacaqlar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG