Keçid linkləri

2024, 29 Mart, Cümə, Bakı vaxtı 15:18

Ermənistan parlamentində dava düşüb


Ermənistan parlamentində dava
Ermənistan parlamentində dava

Mayın 8-də Ermənistan parlamentində müxalifət fraksiyası olan “Çiçəklənən Ermənistan”ın lideri Edmon Marukyanla hakim “Mənim addımım” fraksiyasının təmsilçisi Sasun Mikaelyan əlbəyaxa olublar. Həmkarlarının müdaxiləsindən sonra dava dayandırılıb.

Tribunadan çıxış edən Marukyan hakim fraksiyanın deputatlarını tənqid edib. Yerlərdən buna cavab replikası eşidilib. Sasun Mikealyanın replikasından sonra müxalifət fraksiyasının lideri tribunadan düşüb, hakim fraksiyadan deputat isə yerindən qalxıb və dava ediblər.

Deputatlar, iclasa Baş nazir Nikol Pashinian-ın rəhbərliyi ilə qatılan hökumət üzvləri dalaşanları ayıra biliblər. Bundan sonra Marukyan tribunaya qayıdaraq çıxışını davam etdirib. O deyib:

“Məni nə qədər bərk döyürlərsə döysünlər, danışacağam. Kimsə məni gizlicə arxadan vurdu”.

Sasun Mikaelyan yerindən müxalifətçi deputatın dediklərinə reaksiya verib. Amma Edmon Marukyan sözlərinə davam edib:

“Mənim başımı kəsəcək adam hələ dünyaya gəlməyib. Burada özünüzü Şmays (keçmiş hökumətyönlü deputat, parlamentdə tez-tez özündən çıxırdı- red.) kimi aparmağı dayandırın. Özünüzü tərbiyəli aparın. Bəsdirin, artıq bu mədəniyyətə burada yer yoxdur. İnqilab həm də ona görə baş verdi ki, burda debat mədəniyyəti formalaşsın”.

Bundan sonra spiker Ararat Mirzoyan iclası kəsib, fasilə elan edib.

Nikol Pashinian 2018-ci ilin mayında hakimiyyətə gəlib. Həmin ilin aprelində keçmiş prezident Serzh Sarkisian baş nazir postuna keçincə ölkəni etirazlar bürüyüb və o, istefa verməli olub.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG