Keçid linkləri

Təcili xəbərlər
2020, 14 İyul, çərşənbə axşamı, Bakı vaxtı 11:09

Gürcüstan 4 şəhəri təcrid edir


Tbilisinin qədim hissəsi, arxiv fotosu

Gürcüstan hökuməti koronovirusun yayılmasını nəzarətdə saxlamaqdan ötrü dörd şəhəri təcrid etmək qərarı verib.

Baş nazir Giorgi Gakharia aprelin 14-də jurnalistlərə deyib ki, hökumət paytaxt Tbilisi, eləcə də Rustavi, Batumi və Kutaisi şəhərlərini 10 gün ərzində təcrid edir.

Gakharia-nın sözlərinə görə, bir gün ərzində 30 nəfərdə koronavirus aşkarlandıqdan sonra bu qərar verilib.

“Aprelin 15-də axşam 9-dan bu şəhərlərə giriş-çıxış qadağan olunur”, – Gakharia vurğulayıb.

Baş nazir onu da deyib ki, hökumət martın 21-dən bir aylığa elan olunmuş fövqəladə vəziyyəti uzatmaq təklifini irəli sürəcək.

“Prezident Salome Zurabishvili-dən xahiş edəcəyik ki, parlamentə fövqəladə vəziyyəti mayın 10-dək uzatmağı təklif etsin, biz də virusun yayılmasını yavaşıtmaq üçün növbəti addımlarımızı müəyyənləşdirək”, – Gakharia bildirib.

Parlamentin spikeri Mamuka Mdinaradze baş nazirin mətbuat konfransından sonra deyib ki, deputatlar fövqəladə rejimin mümkün uzadılmasını aprelin 21-də, ya 22-də müzakirə edəcəklər.

Mdinaradze parlamentdəki hakim çoxluğun təklifi dəstəkləyəcəyini söyləyib.

Gürcüstan səhiyyə orqanlarının aprelin 15-də verdiyi məlumata görə, ölkədə 306 nəfər koronavirusa yoluxub, onlardan üçü vəfat edib.

XS
SM
MD
LG