Keçid linkləri

Təcili xəbərlər
2020, 06 İyul, Bazar ertəsi, Bakı vaxtı 08:54

Qazaxıstanlılar evlərinə dönürlər


Qazaxıstanın Masançi kəndi toqquşmalardan sonra

Fevralın 9-da mindən çox qazaxıstanlı Qırğızıstandan Qazaxıstana qayıdıb. İki gün öncə Qazaxıstanın beş kəndində başlanan etniklərarası toqquşmalar nəticəsində xeyli adam qonşu ölkəyə qaçmışdı.

Qırğızıstan rəsmilərinin AzadAvropa/AzadlıqRadiosuna bildirməsinə görə, etnik zorakılıq qazaxlarla Çin mənşəli Dunqanlar arasında başlanıb. 10 nəfərin öldürüldüyü bildirilir. Sərhədçilər Qazaxıstandan 4 min 500-dək girişin olduğunu açıqlayıb.

AzadlıqRadiosu neçə qazaxıstanlının ölkəsinə qayıtdığını dəqiqləşdirə bilməyib.
Fevralın 8-9-da Qırğızıstan xəstəxanalarına 34 qazaxıstanlı qəbul edilib. Onlardan 13-ü hələ də müalicə alır. Daha beş qazaxıstanlının tibbi və psixoloji müşahidə altında saxlandığı, durumlarının sabit olduğu xəbər verilir.

Fevralın 9-da Qazaxıstanda daha 39 nəfərin xəstəxanaya yatırıldığı açıqlanıb. Onlardan üçü güllə yarası almış məmurlardır.

Toqquşmalar fevralın 7-də Qazaxıstanın kommersiya paytaxtı sayılan Almatıdan 130 km qərbdə yerləşən Jambil regionunda başlanıb. Korday vilayətində hakimiyyət fövqəladə vəziyyət elan edib.

Kəndlilərin qruplar halında bir-birinə hücum etdiyi, evlərin yandırıldığı, maşınların aşırıldığı, yüzlərlə adamın qonşu Qırğızıstana qaçdığı bildirilib.

XS
SM
MD
LG