Keçid linkləri

Təcili xəbərlər
2020, 23 Fevral, bazar, Bakı vaxtı 18:30

Pompeo Zelenskiy ilə görüşəcək


Mike Pompeo

ABŞ-ın dövlət katibi Mike Pompeo Kiyevdə Ukrayna Prezidenti Volodymyr Zelenskiy və digər rəsmilərlə görüşəcək. O, səfər çərçivəsində Belarus, Qazaxıstan və Özbəkistana da baş çəkməlidir.

Yanvarın 30-da gerçəkləşən Kiyev səfəri Senatda Prezident Donald Trump-ın impiçment mühakiməsi ilə eyni vaxta təsadüf edir. Demokratlar Trump-ın Ukraynaya təzyiq göstərməklə vəzifə səlahiyyətini aşdığını deyirlər. Onun ukraynalı həmkarı Zelenskiy-dən siyasi rəqibinə qarşı araşdırma başlatmağı istədiyi, bu gerçəkləşənədək Kiyevə hərbi yardımı yubatdığı bildirilir.

Bir neçə gün öncə isə Pompeo-nun NPR jurnalistinin sualına qəzəblə “Səncə, Ukrayna amerikalıların çox vecinədir?” dediyi bildirilir.

Ukrayna ABŞ-ın hərbi və siyasi dəstəyindən çox asılıdır. Ona Avropa ölkələri də yardım göstərir.

2014-cü ildən Ukraynanın şərqində Rusiyanın dəstəklədiyi separatçılarla hökumət qüvvələrinin münaqişəsində 13 mindən çox adam öldürülüb. Rusiya həmin il Ukraynanın Krım yarımadasını ilhaq edəndən sonra separatçıları dəstəkləməyə başlayıb.

Günün bütün mövzuları

XS
SM
MD
LG