Keçid linkləri

Təcili xəbərlər
2020, 24 Yanvar, Cümə, Bakı vaxtı 07:23

Sənədsiz daşınmaz əmlaklar araşdırılır


Hökumət sənədsiz evlər problemini necə həll etsin?
Gözlə

No media source currently available

0:00 0:01:34 0:00

Hökumət sənədsiz evlər problemini necə həll etsin?

Bakı şəhərində 163 min sənədsiz daşınmaz əmlak üzrə araşdırmalar yekunlaşıb.

AZƏRTAC-ın məlumatına görə, bu barədə Əmlak Məsələləri üzrə Dövlət Komitəsi sədrinin müavini Rüstəm Şahbazov bu gün, yanvarın 16-da 2019-cu ilin yekunlarına həsr olunmuş mətbuat konfransında danışıb. Onun sözlərinə görə, digər şəhər və rayonlarda 74 min 600 sənədsiz daşınmaz əmlak aidiyyəti yerli komissiyalarda araşdırılıb.

«Ümumilikdə, Bakı şəhəri də daxil olmaqla respublika üzrə 57 rayon və şəhərdə işlər aparılıb. Bu işlər cari ilin aprelinədək tamamlanacaq. Sonra müvafiq materiallar Prezident Administrasiyasına təqdim olunacaq və tikililərin rəsmiləşdirilməsi ilə bağlı müvafiq qərarlar qəbul olunacaq», - Komitə sədrinin müavini bildirib.

R.Şahbazovun deməsinə görə, sənədləşmə yalnız neft kontraktları ərazilərinə və infrastruktur sahələrinin mühafizə zolaqlarına düşməyən tikililərə aiddir.

Bakı Şəhər İcra Hakimiyyətindən isə «Turan» agentliyinə bildiriblər ki, paytaxtda sənədsiz evlərin sənədləşdirilməsi ilə bağlı rayonlar üzrə yaradılmış komissiyalar da hələ fəaliyyətini davam etdirir: «Burada evlərin neft, qaz kəmərləri üzərində, təhlükəsizlik zolaqlarında və yüksəkgərginlikli elektrik xətləri altında tikilib-tikilməməsi müəyyən edilməlidir. Hələlik, araşdırma gedir».

Xatırlatma

Hələ 2011-ci ildə Bakı və ətraf yaşayış məskənlərində sənədsiz evlərin qeydiyyat məsələsi gündəmə gəlmişdi. Yerli mətbuatın yazdığına görə, hətta bununla bağlı dövlət başçısı o vaxt şəhər rəhbərliyinə göstəriş də vermişdi. Sonradan bir neçə il bu məsələlər gündəmə gətirilmədi.

Amma 2019-cu ildə Bakı Şəhər İcra Hakimiyyətindən sənədsiz evlərin durumunun araşdırılması ilə bağlı komissiyanın yaradıldığı açıqlanmışdı.

Günün bütün mövzuları

XS
SM
MD
LG