Keçid linkləri

Təcili xəbərlər
2020, 28 Mart, şənbə, Bakı vaxtı 18:13

İslamabad ABŞ-a etiraz edir


Pakistanda müsəlmanlar, arxiv fotosu

Pakistan ABŞ Dövlət Departamenti tərəfindən din azadlığını pozan ölkələr siyahısına salınmasını pisləyib.

“Pakistan bu birtərəfli və qanunsuz təsnifatı rədd edir”, – Xarici İşlər Nazirliyi dekabrın 24-də axşam yaydığı bəyanatda bildirib və prosesi “şübhəli” adlandırıb.

“Bu açıqlama təkcə mövcud reallıqlardan uzaq deyil… həm də bütünlükdə işin etibarlılığı və şəffaflığı barədə suallar yaradır”, – bəyanatda vurğulanır.

Dövlət Departamenti dekabrın 18-də Pakistanı İran, Tacikistan, Türkmənistan və daha beş ölkə ilə birlikdə 1998-ci il Beynəlxalq Din Azadlığı Aktı çərçivəsində Xüsusi Narahatlıq Yaradan Ölkələr sırasına daxil edib, onların “din azadlığını sistematik, davamlı və kobud şəkildə pozduqlarını” bildirib.

Əsasən müsəlman ölkəsi sayılan Pakistan azlıqlara qarşı ayrı-seçkilik yaratdığı deyilən qanunlara görə tənqid olunur. Məsələn, küfrə görə ölüm cəzası nəzərdə tutulur.

İslamabad ABŞ-ın siyahısını “ölkələri selektiv şəkildə hədəfə aldığını” bildirib.

Pakistanı həmçinin qonşu Hindistanın siyahıya salınmaması hiddətləndirib. Bu ölkədə müsəlmanlara qarşı diskriminasiya yaratdığı bildirilən yeni vətəndaşlıq qanunu etirazlara səbəb olub.

XS
SM
MD
LG