Keçid linkləri

Təcili xəbərlər
2020, 21 Yanvar, çərşənbə axşamı, Bakı vaxtı 03:11

Erdogan ABŞ bazasını bağlamaqla hədələyir


Recep Tayyip Erdogan

Türkiyə prezidenti ABŞ və NATO-nun istifadə etdiyi iki strateji hərbi bazanı bağlamaqla hədələyib. Recep Tayyip Erdogan dekabrın 15-də A Haber TV-yə müsahibəsində deyib ki, Türkiyənin Rusiyadan zenit-raket sistemi almasına görə Vaşinqton sanksiya tətbiq edərsə, bu addım atıla bilər.

“Lazım gələrsə, Incirlik və Kurecik bazalarını bağlaya bilərik”, – Erdogan deyib.

Incirlik Hava bazası onillərdir ABŞ və NATO qüvvələrinin yararlandığı strateji obyektdir. Kurecik bazasında isə NATO-nun böyük radar stansiyası yerləşir.

Erdogan-ın dediklərinin sadəcə təhdid olduğu, yaxud həqiqətən belə bir niyyətini göstərdiyi bəlli deyil.

Türkiyədə 2016-cı il dövlət çevrilişinə uğursuz cəhddən sonra Birləşmiş Ştatlarla münasibətlər pisləşib. Erdogan həmin hadisələrə görə ABŞ-da yaşayan vaiz Fethullah Guleni günahkar bilib.

Erdogan Rusiyadan S-400 raket sistemi almaq planını həyata keçirdikcə münasibətlər daha da pisləşib. Vaşinqtonun mövqeyincə, bu sistem Incirlik-dən istifadə edən ABŞ-ın F-35 qırıcılarına təhdid yaradır.

Türkiyə silahlı qüvvələrinin oktyabrda Suriyaya girərək ABŞ-la müttəfiq kürd yaraqlıları hədəfə alması Konqresin respublikaçı və demokrat üzvlərinin tənqidinə səbəb olub.

ABŞ Senatının komitəsi ötən həftə Türkiyəyə sanksiyalar nəzərdə tutan qanunvericiliyi dəstəkləyib.

Prezident Donald Trump-ın Erdogan-ı sərt tənqid etməməsi isə konqresmenləri məyus edib.

Günün bütün mövzuları

XS
SM
MD
LG