Keçid linkləri

2024, 19 Mart, çərşənbə axşamı, Bakı vaxtı 09:02

Atambaev qətldə ittiham olunur


Almazbek Atambaev
Almazbek Atambaev

Qırğızıstanın keçmiş prezidenti Almazbek Atambaev-ə təhlükəsizlik əməkdaşının ölümüylə bağlı ittiham irəli sürülüb.

Daxili işlər naziri Kashkar Junushaliev dekabrın 13-də deyib ki, Atambaev polkovnik Usenbek Niyazbekov-un güllələnərək öldürülməsində şübhəli bilinir və ona bu haqda məlumat verilib.

Hadisə avqustda keçmiş liderin tərəfdarları ilə təhlükəsizlik qüvvələri arasında ikigünlük qarşıdurma zamanı baş vermişdi. Altı uşaq atası olan polkovnik Atambaev-in Bişkek yaxınlığındakı evinə reyd zamanı öldürülüb.

Silah Atambaev-in adına qeydiyyatdadır

Junushaliev-in sözlərinə görə, ekspertiza Niyazbekov-un Atambaev-in adına qeydiyyatda olan məxsus snayper avtomatıyla sinəsindən vurulduğunu üzə çıxarıb.

Atambaev avqustun 8-də jurnalistlərə demişdi ki, binada təkcə onun silahı olub və toqquşmalar zamanı odlu silahdan da təkcə o istifadə edib.

Atambaev Daxili İşlər Nazirliyinin dindirilməylə bağlı üç çağırışına cavab verməyəndən sonra təhlükəsizlik əməkdaşları onun evinə göndərilib. Prezident 2013-cü ildə mütəşəkkil cinayətkar dəstə başçısının qanunsuz olaraq azadlığa buraxılmasında iddia olunan roluna görə dindirilməyə çağırılırdı.

Keçmiş prezident ikigünlük qarşıdurmadan sonra polisə təslim olub, avqustun 8-də həbs edilib.

Ona dövlət təmsilçisinə qarşı zorakılıqdan istifadə, kütləvi iğtişaş təşkili, qətl cəhdinin arxasında durmaq, girovgötürmə, korrupsiya ittihamları irəli sürülüb.

Keçmiş prezident və tərəfdarlarının müqaviməti nəticəsində 170-dan çox adam xəsarət almışdı. Onların içində 79 hüquq-mühafizə əməkdaşı da vardı.

Bu zorakılıq Atambaev-lə öz əliylə seçdiyi varisi Sooronbai Jeenbekov arasında hakimiyyət çəkişməsinin nəticəsi idi və ölkədə sabitliyin pozulacağı sarıdan narahatlıq yaratmışdı.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG