Keçid linkləri

Təcili xəbərlər
2020, 18 Yanvar, şənbə, Bakı vaxtı 10:21

Davutoglu yeni partiya yaradır


Ahmet Davutoglu

Türkiyənin keçmiş Baş naziri Ahmet Davutoglu yeni siyasi partiyanın əsasını qoyub. O, dekabrın 13-də Ankarada elan edib ki, Gelecek Partisini (Gələcəyin Partiyası) yaradır.

Bununla da o, Prezident Recep Tayyip Erdogan-ın getdikcə parçalanan Ədalət və İnkişaf Partiyasına (AKP) meydan oxuya bilər.

“Bu gün biz partiyamızı quraraq deyirik ki, gələcək xalqımıza, Türkiyəyə məxsusdur”, – Davutoglu deyib.

60 yaşlı Davutoglu AKP-dən sentyabrda istefa verib. Onun istefası həm prezidentə, həm də AKP-yə bir zərbə sayılırdı.

Davutoglu 2009-2014-cü illərdə xarici işlər naziri, 2016-cı ilədək baş nazir vəzifəsində çalışıb. Erdogan 2014-cü ildə onun AKP lideri elan etdi və onun liderliyi ilə partiya 2015-ci ildə parlament seçkisində qələbəyə qazandı.

2016-cı ildə Erdogan-la fikir ayrılığı yarandı və baş nazirlikdə getməli oldu.

2017-ci il referendumu Erdogan-ın səlahiyyətini dərinləşdirdi. Prezidentin opponentləri ölkədə “tək adamın idarəçiliyi”nin bərqərar olduğunu deyirlər.

Davutoglu söz və din azadlığının təminatı, yeni idarəçilik sisteminin tətbiqi, ədliyyə islahatları, Türkiyənin böhran içində olan iqtisadiyyatını möhkəmləndirmək vədləri verib.

“Dünyanın avtoritarizm və populizmə yönləndiyi bir zəmanədə biz vicdanlı adamların başlarını dik tutaraq öz azad iradələri ilə yaşadıqları bir ölkə qurmalıyıq”, – Davutoglu deyib.

Günün bütün mövzuları

XS
SM
MD
LG