Keçid linkləri

2024, 19 Mart, çərşənbə axşamı, Bakı vaxtı 11:00

Britaniyada Breksitin taleyi həll olunur


Boris Johnson
Boris Johnson

Dekabrın 12-də Britaniyada parlament seçkisi keçirilir. Bu seçkinin nəticəsi ölkənin Avropa Birliyindən ayrılması, yaxud onun tərkibində qalmasının taleyini həll edəcək.

650 seçki dairəsindən namizədlər İcmalar Palatasına düşməkdən ötrü səslərin çoxunu yığmalıdırlar.

Bu ay Britaniyanın altı sorğu firması ictimaiyyətin Baş nazir Boris Johnson-un başçılıq etdiyi Mühafizəkar Partiyasına üstünlük verdiyini üzə çıxarıb. Johnson “Breksiti başa çatdırmaq” vədi verib.

Rəy sorğuları nəyi göstərir

İkinci yerdə isə Jeremy Corbyn-in rəhbərlik etdiyi Leyboristlər müxalifət partiyasıdır. Corbyn isə Breksitin şərtlərini yenidən müzakirə etmək və yeni şərtlərlə başqa bir referendum keçirməyi təklif edib. Bu halda 2016-cı il referendumunun əks prosesi baş verər. Həmin referendumda ölkənin AB-dən çıxmasına səs verildi.

Sorğulara görə, iki böyük partiyadan heç biri azı 326 yeri qazana bilməyəcək.

Hökuməti formalaşdırmaqdan ötrü qalib tərəf daha kiçik partiyalarla formal koalisiya qurmalı olacaq.

Son illərin səsvermə trendi ənənəvi partiyaya inamda çat yarandığını, daha kiçik partiyaların populyarlığının artdığını üzə çıxarır.

Məsələn, Nigel Farage-nin yeni Breksit partiyası da seçki marafonuna qoşulub. O, AB-dən sərt, sazişsiz çıxmağı təbliğ edir.

Əks cəbhədə isə Jo Swinson-un başçılıq etdiyi Liberal Demokratlar dayanır, onlar Breksiti təxirə salmaq vədi verib.

Rəy sorğularına görə, seçicilər Breksitdən savayı, Milli Səhiyyə Xidmətinin taleyi, cinayətkarlıq, iqtisadiyyat və immiqrasiya məsələlərindən narahatdırlar.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

Abunə

XS
SM
MD
LG