Keçid linkləri

Təcili xəbərlər
2020, 05 Aprel, bazar, Bakı vaxtı 10:14

Mühacirətdən qayıdandan bir il sonra vəfat edib


Tolib Yoqubov

Özbəkistanda tanınmış insan haqları fəalı, keçmiş prezident Islam Karimov-un açıq tənqidçisi Tolib Yoqubov vəfat edib. O, on ildən artıq Fransada mühacirətdə yaşamışdı, bir il idi Özbəkistana qayıtmışdı.

Yoqubov-un qohumları AzadAvropa/AzadlıqRadiosuna deyiblər ki, o, noyabrın 27-də 79 yaşında öz əcəli ilə dünyasını dəyişib.

Özbəkistan İnsan Hüquqları Cəmiyyətinin təsisçisi olan Yoqubov 2007-ci ildə təhlükəsizlik səbəbilə ölkədən qaçmışdı, 2014-cü ildə hakimiyyət onun vətəndaşlığını ləğv etmişdi.

Fransa vətəndaşlığı almış Yoqubov-un Özbəkistana qayıtmasına Prezident Shavkat Mirziyoev-in 2018-ci ilin oktyabrında Fransaya səfərindən öncə razılıq verildi.

Karimov 2016-cı ildə vəfat edəndən sonra hakimiyyətə keçmiş Mirziyoev ölkədə insan haqlarının durumunu yaxşılaşdırmaq, hökumət strukturunda dəyişiklik vədi verib.

2018-ci ildə Özbəkistan hakimiyyəti jurnalist Muhammad Bekjon-un ölkədən çıxmasına icazə verib. O, bir ildən çox idi həbsdən buraxılmışdı.

64 yaşlı jurnalist təxminən 18 il həbsdə qalıb, ötən il Birləşmiş Ştatlarda yaşayan ailəsinə qovuşub.

XS
SM
MD
LG