Keçid linkləri

Təcili xəbərlər
2019, 17 Noyabr, bazar, Bakı vaxtı 18:33

Rusiyada istehlakçılar embarqoya görə ilə 445 milyard itirir


İllüstrativ foto

Rusiyada 2014-cü ildə tətbiq olunmuş ərzaq embarqosu ucbatından istehlakçılar 2013-cü ilin qiymətləri ilə ildə 445 milyard rubl itirir və sanksiyaların bədəlini öz cibindən ödəyir. Bu haqda “Vedomosti” qəzeti ölkə iqtisadçılarının birgə tədqiqatına istinadla yazıb. Tədqiqatı Rusiya Xalq Təsərrüfatı Akademiyası və Dövlət Xidməti ilə İqtisadi və Maliyyə Araşdırmaları və Layihələri Mərkəzi aparıb.

Araşdırma müəllifləri 2013-cü illə müqayisədə 2018-ci ildə sanksiya siyahısında olan ərzaqların istehlakının, buraxılış və qiymətlərinin necə dəyişdiyini müqayisə ediblər. Bu zaman Rosstat, Avromonitor, BMT-nin məlumatlrından istifadə olunub.

İlə adambaşına 3 min rubl

İstehlakçıların ümumi illik itkisi 445 milyard rubldur, yaxud adambaşına 3 min rubl. Yoxsulluq həddinə yaxın həddə olanlar üçün bu, yemək xərclərinin 5 faiz artması deməkdir.

Bu pulların 83 faizi Rusiya istehsalçılarının, 3 faizi idxalçıların xeyrinə bölüşdürülüb, 13 faiz isə sırf ölkə iqtisadiyyatının itkisidir.

Rusiyaya ərzaq embarqosu bəzi əsas qida məhsullarının idxalını qadağan edir. Bu embarqo Avropa Birliyi, ABŞ və bir sıra başqa ölkələrin sanksiyalarına cavab olaraq qoyulub. Moskva 2014-cü ildə Ukraynanın Krım yarımadasını ilhaq edib, Ukraynanın şərqində separatçıları dəstəkləməyə başlayıb.

Təftiş orqanları Rusiyada mağazalarda “sanksiya” məhsulu aşkarlayan kimi, nümayişkaranə şəkildə məhv edilir. Bu arada həmin ərzağın ehtiyacı olanlara verilməsi haqda qanunun qəbulu tələb olunur.

Rəsmi orqanlar 2019-cu il aprelin 1-dək 28 ton “sanksiya” məhsulunun müsadirə olunaraq məhv edildiyini bildirir.

Günün bütün mövzuları

XS
SM
MD
LG