Keçid linkləri

Təcili xəbərlər
2019, 12 Dekabr, Cümə axşamı, Bakı vaxtı 15:48

Qoşulmama Hərəkatında nazirlərin görüşüdür


Görüş

Oktyabrın 23-də Qoşulmama Hərəkatına üzv ölkələrin xarici işlər nazirlərinin görüşündə Venesuela təmsilçisi Xorxe Arreasa qurumda sədrliyi Azərbaycana verib.

Azərbaycan 2019-2022-ci illərdə bu quruma sədrlik edəcək.

Azərbaycan xarici işlər naziri E.Məmmədyarov bildirib ki, ölkəsi təşkilatın inkişaf etməsi və üzv ölkələr arasında əlaqələrin daha da güclənməsi üçün zəruri olan fəaliyyəti həyata keçirəcək.

+++

Oktyabrın 23-də Bakıda Qoşulmama Hərəkatının nazirlər görüşü işə başlayıb.

AZƏRTAC-ın xəbərinə görə, tədbirdə çıxış edən Azərbaycanın Xarici İşlər naziri Elmar Məmmədyarov BMT-dən sonra ikinci böyük təşkilat olan Qoşulmama Hərəkatının beynəlxalq sülhə verdiyi mühüm töhfələrdən danışıb. Bildirib ki, Azərbaycan 2011-ci ildən Qoşulmama Hərəkatının üzvüdür.

Nazir vurğulayıb ki, Azərbaycan sosial ədalətə söykənən siyasət həyata keçirir. E.Məmmədyarovun vurğulamasına görə, Azərbaycan ilk dəfə olaraq Qoşulmama Hərəkatının Gənclər Forumunun keçirilməsi təklifini irəli sürüb. O qeyd edib ki, enerji təhlükəsizliyi, ətraf mühit və digər sahələrdə əməkdaşlıq daha da gücləndirilməlidir.

Ermənistan-Azərbaycan Dağlıq Qarabağ məsələsinə toxunan E.Məmmədyarov deyib ki, münaqişə regional sülhə böyük təhlükə yaradır.

Oktyabrın 25-26-da Bakıda Qoşulmama Hərəkatının XVII sammiti keçirilməlidir.

Sammit zamanı təşkilata sədrlik üç il müddətində Azərbaycana keçəcək.

Xatırlatma

Bu qurumu hərbi ittifaqlara qoşulmayan dövlətlər 1961-ci ildə Belqradda təsis ediblər. Dövlətlərin ərazi bütövlüyü, suverenliyi və siyasi müstəqilliyinə hörmət, daxili işlərinə qarışmama Hərəkatın əsas prinsipləridir.

Son 25 il ərzində Hərəkata üzv dövlətlərin sayı 99-dan 120-yə yüksəlib. Azərbaycan Qoşulmama Hərəkatına 2011-ci ildə üzv olub.

Azərbaycan 2019-2022-ci ildə Qoşulmama Hərəkatına ev sahibliyi edəcək.

Ötən il, yanvarın 10-u Azərbaycan Prezidenti İlham Əliyev Qoşulmama Hərəkatına üzv dövlətlərin Azərbaycanın ali təhsil müəssisələrində oxuyan vətəndaşlarına təhsil qrantı verilməsi barədə sərəncam imzalayıb. Layihə 100 tələbəni əhatə edir.

Günün bütün mövzuları

XS
SM
MD
LG