Keçid linkləri

Təcili xəbərlər
2019, 18 Oktyabr, Cümə, Bakı vaxtı 15:36

Trump: İrandan danışacağıq


Donald Trump (solda) və Hassan Rohani

ABŞ Prezidenti Donald Trump deyir ki, sentyabrın 24-də Nyu Yorkda BMT Baş Məclisində çıxışında əsasən İranla mübahisəsinə toxunacaq.

“İran haqda danışacağıq”, – Trump sentyabrın 23-də jurnalistlərə deyib.

“Hazırda onlara böyük təzyiq göstəririk, indiyədək belə təzyiq görməyiblər. İranla bağlı çox şey baş verir, sizin bildiyinizdən, medianın bildiyindən daha artıq şeylər”, – prezident sözlərinə əlavə edib.

2017-ci ilin yanvarında prezident postuna keçəndən Trump Tehrana qarşı sərt siyasət yürüdüb. O, ötən ilin mayında İranla 2015-ci il nüvə sazişindən çıxıb, sanksiyaları bərpa etməyə başlayıb.

Səudiyyə Ərəbistanında neft obyektlərinə hücuma görə ABŞ İranı ittiham etsə də, Tehran bu hücumlarla əlaqəsi olmadığını deyir.

BMT-nin Baş Məclisi çərçivəsində Trump-ın iranlı həmkarı Hassan Rohani ilə mümkün görüşü haqda spekulyasiya dolaşırdı. Ancaq Trump sentyabrın 23-də belə bir görüşün planlaşdırılmadığını söyləyib.

Günün bütün mövzuları

XS
SM
MD
LG