Keçid linkləri

Təcili xəbərlər
2019, 15 Oktyabr, çərşənbə axşamı, Bakı vaxtı 13:11

Putin-lə Erdogan Suriyanı müzakirə edəcək


Vladimir Putin (sağda) və Recep Tayyip Erdogan

Rusiya Prezidenti Vladimir Putin avqustun 27-də türkiyəli həmkarı Recep Tayyip Erdogan ilə Suriyanın şimal-qərbində yerləşən İdlib vilayətindəki durumu müzakirə edəcəklər.

“Prezidentlər bu mürəkkəb durumu müzakirə etməkdən ötrü Moskvada görüşməyə razılaşıblar”, – Kremlin sözçüsü Dmitry Peskov avqustun 26-da deyib.

Apreldə Suriyanın hökumət qüvvələri müttəfiqi Rusiyayla birlikdə üsyançıların sonuncu istehkamı olan İdlibə hücuma başlayıb. O vaxtdan çoxlu dinc sakin daxil olmaqla yüzlərlə adam öldürülüb, onminlərlə suriyalı Türkiyəylə sərhədə qaçıb.

Ankara bu hücumun humanitar böhran yaratdığını, Türkiyənin təhlükəsizliyinə təhdid olduğunu bildirir.

Suriyada 2011-ci ilin martında münaqişə başlayandan bu ölkədən Türkiyəyə 3,6 milyon qaçqın sığınıb.

Suriyalı qadın
Suriyalı qadın

Putin nədən narahatdır

Peskov jurnalistlərə deyib ki, Putin Erdogan-ın narahatlığını anlayır, ancaq İdlibdə “kökü kəsilməli və məhv edilməli olan terrorçu elementlərin” hücumlarından da eyni dərəcədə narahatdır.

İdlibi əsasən Al-Qaeda qruplaşmanın Suriyadakı keçmiş qanadı olan Hayat Tahrir al-Sham (HTS) idarə edir.

Ötən il Rusiya, İran və Türkiyənin əldə etdiyi de-eskalasiya razılaşması bu regionu da əhatələyir. Bu ölkələr Suriya vətəndaş müharibəsində müxalif tərəfləri dəstəkləyir.

Rusiyayla İran Suriya Prezidenti Bashar al-Assad-a dəstək verib, Türkiyə isə üsyançı qrupların arxasında durur.

Peskov deyib ki, Putin-lə Erdogan avqustun 27-də Ukrayna böhranını, Moskva-Ankara münasibətlərini də müzakirə edəcəklər.

“Türkiyə bizim yaxın tərəfdaşımız, müttəfiqimizdir. Bizi yaxşı inkişaf etmiş ticari, iqtisadi münasibətlər, çoxtərəfli əlaqələr birləşdirir, hərbi-texniki əməkdaşlıq kimi həssas sahələrdə belə əlaqələr yaxındır”, – o vurğulayıb.

Ankara NATO müttəfiqi olan Vaşinqtonun güclü etirazına baxmayaraq Rusiyadan S-400 raketdən müdafiə sistemi alıb.

S-400 komponentlərini almağa başlamış Türkiyə gələn ilin aprelindən sistemdən istifadəni planlaşdırdığını vurğulayıb.

Günün bütün mövzuları

XS
SM
MD
LG