Keçid linkləri

Təcili xəbərlər
2019, 15 Sentyabr, bazar, Bakı vaxtı 21:56

Trump Danimarkaya səfərini təxirə salır


Donald Trump

ABŞ Prezidenti Donald Trump Danimarkaya gələn aya planlaşdırılan səfərini təxirə salıb. Bu haqda prezident avqustun 20-də tvitində yazıb. Bundan öncə isə Danimarkanın baş naziri “Qrenlandiyanın alınmasının müzakirəsində maraqlı olmadığını” bildirib.


Trump iki gün öncə deyib ki, adanın alınması prioritet deyil. Ancaq o, avqustun 20-də bildirib: “Danimarka xüsusi bir ölkədir, adamları təkrarsızdır. Amma Baş nazir Mette Frederiksen Qrenlandiyanın alınmasını müzakirə etməkdə maraqlı olmadığını dediyindən görüşümüzü başqa vaxta keçirirəm”.

Bundan öncə Trump Qrenlandiya kimi təsvir etdiyi bir kəndin fonunda üstündə öz adı olan otel şəkli paylaşmışdı.

56 min nəfər əhalisi olan Qrenlandiya Danimarkanın özünü idarə edən ərazisidir. Yerli hökumət daxili məsələləri idarə edir, xarici və təhlükəsizlik siyasətinə Kopenhagen baxır.

Birləşmiş Ştatların Qrenlandiyada böyük hərbi bazası yerləşir.

ABŞ 1946-cı ildə Qrenlandiyanı Danimarkadan 100 milyon dollara almağı təklif etsə də, sövdələşmə rədd olunub.

Günün bütün mövzuları

XS
SM
MD
LG