Keçid linkləri

Təcili xəbərlər
2019, 15 Oktyabr, çərşənbə axşamı, Bakı vaxtı 11:38

Prezident Elçin Quliyevə orden verdi


E.Quliyev

Bu gün, avqustun 16-da prezident İlham Əliyev Azərbaycan sərhəd mühafizə orqanlarının yaranmasının 100 illiyi münasibətilə Dövlət Sərhəd Xidmətinin (DSX) bəzi hərbi qulluqçularını təltif edib.

Dövlət başçısı DSX-nin rəisi Elçin Quliyevə 1-ci dərəcəli «Rəşadət» ordeni verib.

DSX-nin daha 3 əməkdaşı da 3-cü dərəcəli «Rəşadət» ordeni ilə təltif edilib.

Ümumilikdə Xidmətin 90-a qədər əməkdaşı mükafatlandırılıb.

DSX-dan bəzilərinin rütbəsi də artırılıb. General-mayorlar Abbas Xəlilov Ehram Hacıyevə general-leytenant hərbi rütbəsi verilib. Polkovnik Ramin Bağırov da general-mayor olub.

İki 1-ci dərəcəli kapitan rütbəsi daşıyan şəxsə də kontr-admiral hərbi rütbəsi verilib.

Amma son aylar sosial şəbəkələrdə DSX-nin rəisi E.Quliyevlə bağlı tənqidi statuslara da tez-tez rast gəlmək mümkündür. Azərbaycan sərhədçilərini müxtəlif olaylarda öz vəzifə borclarını layiqincə yerinə yetirməməkdə günahlandıraraq, buna görə E.Quliyevi tənqid edənlər də var. Hərçənd, DSX rəsmiləri belə tənqidləri qəbul etmirlər.

Günün bütün mövzuları

XS
SM
MD
LG